Астана қаласының Төтенше жағдайлар департаментінде Абай облысындағы өртті жоюға қатысқан елордалық қызметкерлер марапатталды.
Астана қаласы ТЖД бастығы, генерал-майор Қуанар Базарбаев «Семей орманы» мемлекеттік орман табиғи резерватының орман алқабындағы табиғи өртті жою кезінде қызметтік міндеттерін адал атқарғаны және көрсеткен ерлігі үшін «Төтенше жағдайлардың алдын алуда және жоюда үздік шыққаны үшін» медалімен ӨСҚК жедел кезекшісі Г.Есенғазин, №3 МӨСБ бөлімше командирі З.Вагапов, ӨСҚК жүргізуші-қызметкері Ж.Жуасбаев және №5 МӨСБ өрт сөндіру автомобильдерін жүргізу жөніндегі аға нұсқаушы Ж.Секенов, 2-МӨСБ аға өрт сөндірушісі-құтқарушысы К.Өмірзақов марапатталды.
ҚР ТЖМ алғыс хатымен №17 ӨСБ жүргізуші-қызметкері Ә.Мұқашев, №2 МӨСБ аға өрт сөндіруші-құтқарушысы Н.Жаңабаев, №8 ӨСБ өрт сөндіруші-құтқарушысы Б.Ахмадиев, №23 ӨСБ жүргізуші-қызметкері Е.Нұриденұлы, №3 МӨСБ аға өрт сөндіруші-құтқарушысы С.Қайыржанов марапатталды. Марапатқа ие болған қызметкерлерге департамент басшысы сол күндерде көрсеткен ерлігі мен кәсібилігі үшін алғысын білдіріп, қызметтеріне табыс тіледі.
