Ел тынысы
«Орталық Азия + Жапония»
![](https://astana-akshamy.kz/wp-content/uploads/2024/05/cdb2012e14ff0a71b175e1bb19b625f7_1280x720-780x470.jpg)
Бүгін Астана қаласында «Орталық Азия + Жапония» диалогының Аға лауазымды тұлғаларының 16-шы отырысы өтеді, деп хабарлайды astana-akshamy.kz
Ол туралы кеше СІМ Ресми өкілі Айбек Смадияров дәстүрлі брифинг кезінде хабарлаған болатын.
«Орталық Азия + Жапония» диалогының Аға лауазымды тұлғаларының кезекті отырысына Сыртқы істер министрінің орынбасары Әлібек Бақаев төрағалық етпек. Іс-шараға Орталық Азия елдері мен Жапония сыртқы саяси ведомстволарының басшылығы қатысады.
Іс-шараға қатысушылар биылғы жазда Астанада өтетін «Орталық Азия + Жапония» диалогының алдағы бірінші саммитіне дайындық барысын талқылауды жоспарлап отыр.
«Орталық Азия + Жапония» диалогы – 2004 жылы Орталық Азия елдерімен тығыз қарым-қатынасты нығайту мен кеңейту бойынша күш-жігерді ұлғайта түсу және аймақтық ынтымақтастықты дамыту мақсатында Жапонияның бастамасымен құрылған ынтымақтастықтың жаңа пішіні. Бүгінде ОАЖҮ өңірдің ортақ саяси, экономикалық, сонымен қоса, қауіпсіздік мәселелерін талқыға салатын маңызды алаңға айналды.