Қазақстанда «Отаным, саған мың алғыс!» челленджіне 2,5 млн оқушы қатысты
![](https://astana-akshamy.kz/wp-content/uploads/2024/03/f0eb19b1-7044-4117-9244-7f2a9f5efd5f.jpg)
Алғыс айту күніне орай еліміздің барлық білім беру ұйымдарында «Отаным, саған мың алғыс!» челленджі өтті. Іс-шараға 2,5 миллионға жуық оқушы, 20 мыңға жуық колледж студенттері, 250 мың педагог және 50 мың ата-ана қатысты, деп хабарлайды astana-akshamy.kz.
Мақсаты – патриотизмге тәрбиелеу, жалпыадамзаттық құндылықтарды, адамгершілікті, еңбексүйгіштікті насихаттау, оқуға, еңбекке баулу. Табиғатқа, қоршаған ортаға құндылық қатынасын қалыптастыру. Челлендж аясында барлық білім беру ұйымдарының 1-11 сынып оқушылары үшін бірыңғай сынып сағаттары өткізілді. Оқушылар арасында «Алғыс айту-парызың…», сондай-ақ «Тарих ғибраты» сабақтарының онкүндігі ұйымдастырылды. Осы сабақтар аясында оқушыларға тарихтағы ризашылық мысалдары көрсетілді. «Отаным, саған мың алғыс!» айдарымен жергілікті телеарналар арқылы білім беру ұйымдары дайындаған құттықтаулар көрсетілді.