Елордадағы Сәкен Сейфуллин музейінде 150-ден аса мектеп оқушысы қатысқан «Сәкен оқулары» атты байқау өтті.
15 қазан – дауылпаз ақынның өмірге келген күні. Соған орай көп жылдан бері аталған байқауды өткізу дәстүрге айналған. Биылғы сайыс та өз дәрежесінде ұйымдастырылды. Шараға белгілі ғалым Серік Негимов қатысып, халқымыздың ардақты азаматының өмірі мен өнері және қоғамдық қызметі туралы жеткіншектерге ұлағатты әңгіме өрбітті. Бәйгеге қатысушы балаларға ақ батасын берді. 15 қазан – дауылпаз ақынның өмірге келген күні. Соған орай көп жылдан бері аталған байқауды өткізу дәстүрге айналған. Биылғы сайыс та өз дәрежесінде ұйымдастырылды. Шараға белгілі ғалым Серік Негимов қатысып, халқымыздың ардақты азаматының өмірі мен өнері және қоғамдық қызметі туралы жеткіншектерге ұлағатты әңгіме өрбітті. Бәйгеге қатысушы балаларға ақ батасын берді. Дауылпаз ақынның мұрасын кеңінен насихаттауды көздеген байқау 4 кезеңнен тұрды. Алғашқы бөлімде, оқушылар ақын өлеңдерін мәнерлеп оқыса, екіншісінде, прозалық шығармаларынан үзінділер келтірді. Үшіншісінде, талантты тұлғаның әндерін шырқаса, соңғы бөлімде біртуар азаматтың өмірінен сахналық көрініс қойылды. Айтары жоқ, оқушылар байқауға жоғары дайындықпен келген. Бәрі де Сәкен атамыздың шығармаларын жатқа біледі екен. Үш күн бойы ақын шығармаларын мәнерлеп оқып, әндерін келістіріп шырқады. Қайраткер өмірін толғаған қойылымдары да көңілімізден шықты. Көп кешікпей байқаудың да нәтижесі белгілі болды. «Сыр сандықты ашып қара» номинациясында дарынды балаларға арналған №9 Зерде мектебінің оқушысы Сұлтан Бейбарыс Мәдиұлы бас жүлдені жеңіп алды. «Қазақты қазақ дейік» аталымында Әлкей Марғұлан атындағы №40 орта мектептің оқушысы Айдана Әлімғазинаның бағы жанды. «Арқаның кербез сұлу Көкшетауы» номинациясында Сәкен әндерін тамылжыта шырқаған №4 мектеп-гимназиясының оқушысы Асқар Алмасұлы бірінші орынды қанжығасына байлады. «Сәкен аманаты» атты аталымда тағдыр теперішін тартқан азаматтың адами болмысын көз алдымызға келтіріп, көрермен көзіне жас үйірткен №38 мектеп-лицейдің оқушылары жеңімпаз деп танылды.Барлық жүлдегерлер бағалы сыйлықтармен марапатталды. Сонымен бірге үздіктерді дайындаған ұстаздарға да алғыс хат берілді. Арқалы ақын: «Сыр сандықты ашып қара, ашып қара, сырласым…» деп толғап еді. Дәл осы сайыс сыр сандықтың ашылған күні болды.
Азамат ЕСЕНЖОЛ
