2015 жылдың тамыз айынан бастап Оңтүстік Кореяның «Asiana Airlines» әуе компаниясы Қазақстан мен Корея астаналары арасында тұрақты авиа қатынасын орнатуды жоспарлауда. Осыған байланысты Астана мен Сеулге аптасына бір рет «Airbus 330» әуе кемесі ұшатын болады.
Екі елдің арасындағы мұндай маңызды қарым-қатынастың жүзеге асуына 2015 жылғы 26-27 ақпандағы Қазақстан мен Корея авиация басшыларының кездесуінде қол қойылған меморандум мүмкіндік туғызып отыр.
Алдағы уақытта осы қол жеткен жетістікті одан әрі жетілдіре түсу үшін «Эйр Астана» мен «Азиана Эйрлайнз» әуе компаниясы басшылары ынтымақтастықты нығайта түсуде.
Сағи ОРАЛ
