1974 жылы Целиноград қаласындағы Ленин даңғылы мен (қазіргі Абай даңғылы) Тельман көшесі қиылысындағы бір кездегі жатаған ескі саман үйлер сүріліп, орнына мынадай сымдай тартылған, түп-түзу бес қабатты әдемі үйлер салынған.
Байырғы қала тұрғындары Вера Василенко мен өңірге танымал музыкант Алексей Бондаренконың айтуынша, сол кезде бұл үйлерде қоныс тойын тойлағандардың ішінде өнер адамдары мен зиялы қауым өкілдері көп болған көрінеді.
Қазір қала еліміздің бас шаһарына айналғалы көше атауы да өзгеріп, бұл үйлер де заман талабына сай сәулеттеніп, жаңа түрге енді.
