Үстіміздегі жылдың 28 ақпан күні Астана қаласының әкімі Әсет Исекешевтің қала тұрғындары алдында есеп беру кездесуі өтеді. Кездесуге қаланың барлық тұрғындары қатыса алмайтындықтан, Астана әкімдігі елордалықтар мен қала қонақтарына «Әкімге сұрақ қой» шарасын ұйымдастыруда. Қала басшысына қояр сауалыңыз болса, Астана қаласы әкімдігінің ресми сайтына алдын ала хабарлама қалдырыңыз немесе «109» нөміріне қоңырау шалыңыз. Сонымен қатар, «телеграмм» әлеуметтік желісі және «Smart Astana» мобильдік қосымшасы арқылы да сауал жолдауға болады. Барлық сұрақтарды Қалалық мониторинг жедел ден қою орталығы тиісті мемлекеттік органдарға бағыттайды. Аталмыш шара 10 ақпанға дейін жалғасады.
