«استانا-ەنەرگو» اق وتكەن جيىندا مەكەمەنىڭ پەرسپەكتيۆالى جوبارى تالقىلانىپ, جەمقورلىق سىندى زاڭعا جات قىلمىستىڭ قوعامعا اسەرى ءسوز بولدى.
جيىن مودەراتورى, اكتسيونەرلىك قوعامنىڭ باسقارما توراعاسى نۇرلان كۇپەشوۆ استانا قالاسىنىڭ تۇرعىندارىن جىلۋمەن جانە ەلەكتر ەنەرگياسىمەن قامتاماسىز ەتەتىن نەگىزگى باستامالارمەن تانىستىردى.
ەلوردالىق جەمقورلىققا قارسى دەپارتامەنتتىڭ الدىن الۋ باسقارماسى باستىعىنىڭ ورىنباسارى قۋانىش مونولباەۆ ءسوز الىپ:
– جەمقورلىقپەن كۇرەستە زاڭداردى جەتىلدىرىپ, مەملەكەتتىك قىزمەتتىڭ ساپاسىنا مونيتورينگ جۇرگىزىپ, كولەڭكەلى ەكونوميكاعا توسقاۋىل قويۋ ماڭىزدى. ءبىزدىڭ دەپارتامەنت بۇل باعىتتا جۇيەلى جۇمىس جۇرگىزۋدە. ماسەلەن, جىل باسىنان بەرى 8 انتيكوررۋپتسيالىق مونيتورينگ پەن 4 سىبايلاس جەمقورلىق تاۋەكەلدەرىنە سىرتقى تالداۋ جۇمىسى جۇرگىزىلىپ, سونىڭ ناتيجەسىندە 68 ۇسىنىس قابىلدانىپ, ونىڭ 65-ءى ورىندالدى, – دەدى.
استانا قالاسى بويىنشا ەكونوميكالىق تەرگەۋ دەپارتامەنتى ەكىنشى جەدەل باسقارماسىنىڭ باستىعى ساكەن مۇشاعاليەۆتىڭ سوزىنشە, قوعامدا جەمقورلىققا توزىمسىزدىك مادەنيەتىن قالىپتاستىرىپ, جەمقورلىققا قارسى داعدى مودەلىن قالىپتاستىرۋ كەرەك.
جەمقورلىق ەلدىڭ ەكونوميكالىق وركەندەۋىنە عانا ەمەس, جالپى قوعامنىڭ رۋحاني, ساياسي-الەۋمەتتىك ومىرىنە كەرى اسەر ەتەدى.
«استانا-ەنەرگو» اق-تىڭ كومپلاەنس قىزمەتكەرى باقتيار گاريفۋللين سىبايلاس جەمقورلىققا قارسى زاڭ نورمالارىن ساقتاۋ بويىنشا جۇرگىزىلىپ جاتقان جۇمىستاردى باياندادى.
ەركىن فورماتتاعى كەزدەسۋدىڭ اياعى سۇراق-جاۋاپقا الماسىپ, قىزمەتكەرلەر كوكەيىندەگى ءتۇرلى سۇراقتىڭ ءتۇيىنى تارقاتىلدى.
