وڭتۇستىك كورەيا قازاقستاننىڭ ليفت جاساۋ سالاسىنا 30 ميلليون دوللار ينۆەستيتسيا قۇيادى.
استانا قالاسىنىڭ تەحنيكالىق كوللەدجىندە وقۋ ورنىنىڭ اكىمشىلىگى وڭتۇستىك كورەيا ينۆەستورلارىمەن قازاقستاندا ليفت شارۋاشىلىعىن دامىتۋ ماسەلەلەرى بويىنشا كەزدەسۋ وتكىزدى.
وڭتۇستىككورەيالىق Kone Elevators كومپانياسى تەحنولوگيالار ترانسفەرى, قۇرىلىس جابدىقتارىن قامتاماسىز ەتۋ جانە قىزمەت كورسەتۋ, زەرتتەۋ, ازىرلەۋ جانە وقىتۋ ءىس-شارالارىن جۇرگىزۋمەن اينالىساتىن ليفت ورتالىعىنىڭ قۇرىلىسىندا ىنتىماقتاسۋعا دايىن ەكەنىن ءبىلدىردى.
Ofe Elevators كومپانياسىنىڭ پرەزيدەنتى حام ەن-چحەردىڭ ايتۋىنشا, جوبا الماتى وبلىسىنىڭ اۋماعىندا كوتەرگىش جانە ليفت جابدىقتارى ءۇشىن ونەركاسىپتىك پارك قۇرۋدى كوزدەيدى, ال ەلوردادا وندىرىستىك تاجىريبەنى قامتاماسىز ەتە وتىرىپ, بىلىكتى مامانداردى دايارلاۋ بويىنشا كاسىبي تەحنيكالىق ورتالىق قۇرۋ جوسپارلانعان.
جوبا «R&D پاركى» دەپ اتالدى. ونىڭ قۇنى 30 ميلليون دوللاردان اسادى, 200 جۇمىس ورنىن قۇرۋ جوسپارلانۋدا. جوبانى ىسكە اسىرۋ مەرزىمى 2023 جىلدان 2026 جىلعا دەيىن دەپ جوسپارلانۋدا.
