قالالىق تۇرعىن ءۇي ورتالىعىندا «مەن ميب قۇرامىن» اتتى ترەنينگ-پراكتيكۋمنىڭ تىڭداۋشىلارىنا سەرتيفيكاتتار تابىستالدى.
وسى ايدىڭ باسىندا استانا قالاسىنىڭ اكىمدىگى جانىنداعى ميب ورتالىعىندا شەبەرلىك سىنىپتارى ۇيىمداستىرىلىپ, وعان قاتىسۋشىلار مۇلىك يەلەرىنىڭ بىرلەستىگىن قۇرۋ راسىمدەرى, قۇجاتتاردى دايىنداۋ ەرەجەلەرى, ونلاين داۋىس بەرۋدى وتكىزۋ تاسىلدەرى, داۋلى جاعدايلاردى شەشۋ, شىعىندار سمەتاسىن جاساۋ ەرەجەلەرى, تۇرعىن ءۇيدى باسقارۋ بويىنشا باسقا دا ماسەلەلەر تۋرالى ءدارىس العان بولاتىن. – قالادا ميب قۇرۋ جونىندەگى ترەنينگتەردىڭ بارىسىندا تۇرعىندار شىعىندار مەن شىعىندار سمەتاسى بويىنشا كوپتەگەن سۇراقتار قويدى. اسىرەسە, تىڭداۋشىلار تۇرعىن ەمەس ءۇي-جايلاردىڭ يەلەرىمەن بايلانىستى ماسەلەلەرگە باسا نازار اۋداردى, – دەدى قالالىق ميب ورتالىعىنىڭ جەتەكشىسى گۇلۆيرا ابەتوۆا. ورتالىق جەتەكشىسىنىڭ ايتۋىنشا, ترەنينگ بارىسىندا تىڭداۋشىلاردى تولعاندىرعان ماسەلە از بولماعان. ولاردىڭ باسىم بولىگى تۇرعىن ەمەس ءۇي-جايدىڭ مەنشىك يەسى نە ءۇشىن تولەم تولەيتىنىن, نەلىكتەن سمەتادا جازعى كەزەڭدە قاردىڭ اكەتىلۋى كورسەتىلەتىنىن, نەگە شىعىن ماتەريالدارى ينجەنەرلىك جۇيەلەردى كۇتىپ ۇستاۋ بويىنشا قىزمەتتەردىڭ قۇنىنا كىرمەيتىنىن جانە ت.ب. تۋرالى تولىعىراق بىلگىسى كەلەدى ەكەن.
ترەنينگ-پراكتيكۋم بارىسىندا تىڭداۋشىلار وسى سۇراقتاردىڭ بارىنە تۇشىمدى جاۋاپ الدى. ميب-ءتىڭ قازىرگى توراعالارى وسى سالاداعى ءوز قيىندىقتارىن ايتىپ, ۇيلەرىندەگى ينجەنەرلىك جابدىقتاردى, قۇجاتتامانى, قاسبەتتى قالپىنا كەلتىرۋ كەزەڭدەرىندە كەزدەسكەن جايتتاردى باياندادى. سونداي-اق باقىلاۋ-قاداعالاۋ ورگاندارىمەن وبەكتىگە قىزمەت كورسەتۋ پروتسەستەرىن قالاي رەتتەۋ جولدارىمەن ءبولىستى. سونىمەن قاتار, شاراعا قاتىسۋشىلار تۇرعىن ءۇي قاتىناستارى جانە تۇرعىن ءۇي عيماراتتارىن پايدالانۋ ماسەلەلەرى بويىنشا «بىرىڭعاي تەرەزە» جۇمىسىنىڭ فورماتىمەن, قىزمەتتىڭ باسقا دا تۇرلەرىمەن تانىسىپ, ميب توراعالارى قاۋىمداستىعىمەن قالاي ءوزارا ءىس-قيمىل جاساۋ, قالا اۋماعىندا قانداي ءىس-شارالار وتكىزەتىندەرى, ولارعا قالاي قاتىسۋ كەرەكتىگى جانە بەلسەندى تۇرعىندار قانداي باعىتتار بويىنشا جۇمىس ىستەي الاتىنى تۋرالى مولىراق ماعلۇمات الدى. سالتاناتتى شارا بارىسىندا استانا قالاسىنىڭ «اس جكح» مەنشىك يەلەرى قاۋىمداستىعىنىڭ پرەزيدەنتى زاۋرەش ابديەۆا جانە قاۋىمداستىقتىڭ باسقا توراعالارى ەلورداداعى كوپپاتەرلى تۇرعىن ۇيلەردى باسقارۋ سالاسىنداعى زاڭنامانى جاقسارتۋ جونىندە ايتا وتىرىپ, ترەنينگ تىڭداۋشىلارىنا سەرتيفيكاتتار تابىس ەتتى.
