بيىل ەلوردادا جالپى سوماسى 15,9 ملرد تەڭگەنى قۇرايتىن 11 ينۆەست-جوبانى ىسكە قوسۋ كوزدەلىپ وتىر. بۇل ينۆەست جوبالار ءساتتى جۇزەگە اسىرىلعان جاعدايدا 500-دەن استام ادام جۇمىسپەن قامتاماسىز ەتىلەدى. بۇل تۋرالى قالالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتى بارىسىندا «Astana Invest» قالالىق ينۆەستيتسيالاردى دامىتۋ ورتالىعى» جشس باسقارما توراعاسىنىڭ ورىنباسارى ارسەن مەڭدىعازيەۆ بريفينگ وتكىزدى.
استانادا وڭدەۋ ونەركاسىبى سالاسىنداعى جوبالار ىسكە اسىرىلۋدا. «Astana Invest» قالالىق ينۆەستيتسيالاردى دامىتۋ ورتالىعى» جشس باسقارما توراعاسى ورىنباسارىنىڭ ايتۋىنشا, 2023 جىلدىڭ قاڭتار-ناۋرىز ايلارىندا ونەركاسىپ ءوندىرىسىنىڭ كولەمى 473,3 ملرد تەڭگەنى قۇرادى, نكي – 100,4%. وڭدەۋ ونەركاسىبىندە 410,1 ملرد تەڭگە سوماسىنا ءونىم ءوندىرىلدى, نكي – 98,5%.
– قالانىڭ ونەركاسىبى, نەگىزىنەن, وڭدەۋ ونەركاسىبى كاسىپورىندارىمەن ۇسىنىلعان ونەركاسىپتىك ءوندىرىستىڭ جالپى كولەمىنىڭ 86,7%-ىن قۇرايدى; ەلەكترمەن جابدىقتاۋ, گاز, بۋ بەرۋ جانە اۋانى باپتاۋ – 12,1%; سۋمەن جابدىقتاۋ, كارىز جۇيەسى, قالدىقتاردى جيناۋ مەن ءبولۋدى باقىلاۋ – 1,3%. وڭدەۋ ونەركاسىبىنىڭ نەگىزگى سالالارى مەتاللۋرگيا; ماشينا جاساۋ; وزگە دە مەتالل ەمەس مينەرالدى ونىمدەر ءوندىرىسى; سۋسىندار ءوندىرىسى; رەزەڭكە جانە پلاستماسسا بۇيىمدارىن ءوندىرۋ; ازىق-تۇلىك ونىمدەرىن وندىرۋدەن تۇرادى, – دەدى ارسەن مەڭدىعازيەۆ.
قالانىڭ ونەركاسىبى, نەگىزىنەن, وڭدەۋ ونەركاسىبى كاسىپورىندارىمەن ۇسىنىلعان ونەركاسىپتىك ءوندىرىستىڭ جالپى كولەمىنىڭ 86,7%-ىن قۇرايدى; ەلەكترمەن جابدىقتاۋ, گاز, بۋ بەرۋ جانە اۋانى باپتاۋ – 12,1%; سۋمەن جابدىقتاۋ, كارىز جۇيەسى, قالدىقتاردى جيناۋ مەن ءبولۋدى باقىلاۋ – 1,3%
قالالىق ونەركاسىپ كاسىپورىندارىنىڭ نەگىزگى ۇلەسى №1 يندۋستريالىق پاركتە, تەحنوپاركتە, ءوندىرىس كەنتىندە شوعىرلانعان. 2022 جىلدىڭ توعىز ايىندا قالانىڭ جالپى ءونىم وندىرۋدەگى وڭدەۋ ونەركاسىبىنىڭ ۇلەسى 6% قۇرادى. 2025 جىلعا دەيىن بۇل كورسەتكىشتى 10 پايىزعا دەيىن ۇلعايتۋ جوسپارلانعان.
– قازىرگى ۋاقىتتا ەلوردادا ەكى ارنايى ەكونوميكالىق ايماق جۇمىس ىستەيدى. ولار – «استانا – جاڭا قالا» جانە «استانا-تەحنوپوليس» اەا. وسى ارنايى ەكونوميكالىق ايماقتاردىڭ باسقارۋشى كومپانياسى «Astana Invest «قيدو» جشس بولىپ تابىلادى. بۇگىنگى تاڭدا №1 يپ ونەركاسىپتىك وبەكتىلەرىنىڭ ينۆەستيتسيالىق پورتفەلى ناقتى سالىنعان 100 جوبانى قۇرايدى, جالپى قۇنى – 320,28 ملرد تەڭگە. ءىس جۇزىندە 261 ملرد تەڭگە سالىنعان, ونىڭ ىشىندە 247,08 ملرد تەڭگە سوماسىنا 51 جوبا پايدالانۋعا بەرىلدى. سونىڭ ناتيجەسىندە 5 811 تۇراقتى جۇمىس ورنى قۇرىلدى. ال 49 جوبا ىسكە اسىرۋ ساتىسىندا تۇر, ولاردىڭ جالپى قۇنى 73,2 ملرد تەڭگەنى قۇرايدى. بۇل ينۆەست جوبالار ءساتتى جۇزەگە اسىرىلعان جاعدايدا ەلوردادا 2 574 جۇمىس ورنىن قۇرۋ قوزدەلىپ وتىر. «استانا – جاڭا قالا» اەا قۇرىلعان ساتتەن باستاپ ءوندىرىس كولەمى 6 512 ملرد تەڭگە بولدى. سالىق اۋدارىمدارىنىڭ كولەمى – 186,2 ملرد تەڭگە. اعىمداعى جىلى جالپى سوماسى 15,9 ملرد تەڭگەنى قۇرايتىن 11 جوبانى ىسكە قوسۋ جوسپارلانۋدا, ول ءوز كەزەگىندە 500-دەن استام ادامدى جۇمىسپەن قامتاماسىز ەتەدى, – دەدى «Astana Invest» قالالىق ينۆەستيتسيالاردى دامىتۋ ورتالىعى» جشس باسقارما توراعاسىنىڭ ورىنباسارى.
