ەلوردالىق كولىك جانە جول-كولىك ينفراقۇرىلىمىن دامىتۋ باسقارماسى عۇمار قاراش پەن ءبىرجان سال كوشەلەرىندە جول توسەمىنە جوندەۋ جۇمىسىن جۇرگىزۋدە. جۇمىس جول قوزعالىسى قاۋىپسىزدىگىن قامتاماسىز ەتۋ ماقساتىندا اكىمشىلىك پوليتسيا باسقارماسىنىڭ كەلىسىمى بويىنشا ۇيىمداستىرىلدى.
ماسەلەن, عۇمار قاراش كوشەسى بويىندا ءازىربايجان مامبەتوۆ كوشەسىنەن رەسپۋبليكا داڭعىلىنا دەيىنگى ۋچاسكەدە ورتاشا جوندەۋ جۇرگىزىلۋىنە بايلانىستى 19-21 مامىر ارالىعىندا بۇل ۋچاسكەدە قوزعالىس ءىشىنارا جابىلسا, 22-25 مامىر ارالىعىندا كولىك قۇرالدارى ءۇشىن قوزعالىس تولىعىمەن توقتاتىلادى.
سونىمەن قاتار, ءبىرجان سال كوشەسى بويىندا گيوتە كوشەسىنەن ءىلياس ەسەنبەرلين كوشەسىنە دەيىن جوندەۋ جۇمىسى ۇزدىكسىز جۇرگىزىلەتىن بولادى. 19-23 مامىرى ارالىعىندا وسى ۋچاسكەلەردەگى قوزعالىس ءىشىنارا جابىلادى.
ەلوردا تۇرعىندارى مەن قوناقتارى قالا جولدارىندا كەپتەلىس بولدىرماس ءۇشىن قوزعالىس باعىتىن الدىن الا جوسپارلاۋى قاجەت.
