«7-20-25» يپوتەكاسىن Halyk Bank ارقىلى رەسىمدەۋگە 7 سەبەپ
وسى جىلدىڭ ناۋرىز ايىندا مەملەكەت باسشىسىنىڭ باستاماسىمەن جاڭادان «7-20-25» يپوتەكالىق باعدارلاماسى جاريالاندى. بۇل باعدارلامانىڭ كومەگىمەن تولەمگە قابىلەتتى قر-نىڭ ءار ازاماتى باسپانالى بولا الادى. قىركۇيەكتەن باستاپ Halyk Bank وسى باعدارلاماعا قاتىسۋشىلاردىڭ ءوتىنىمىن قابىلداۋدى باستادى. يپوتەكانىڭ شارتتارى بارلىعى ءۇشىن بىردەي ءارى تۇسىنىكتى. ياعني باعدارلاما بويىنشا نەسيەنىڭ جىلدىق پايىزدىق مولشەرلەمەسى – 7%, باستاپقى جارناسى – 20% جانە نەسيە مەرزىمى 25 جىل بولعانىمەن, ونى Halyk Bank ارقىلى الۋدىڭ كەم دەگەندە 7 ارتىقشىلىعى بار.
1. بانكتىڭ ەل بويىنشا كەڭ دامىعان فيليال جەلىسى بار
حالىق بانكىنىڭ بولىمشەلەرى ەلىمىزدىڭ ءىرى قالالارىندا, شاعىن ەلدى مەكەندەرىندە, ءتىپتى اۋىلدارىندا دا ورنالاسقان. بانكتىڭ جالپى 634 بولىمشەسىنەن باعدارلاما شارتتارى تۋرالى بىلۋگە, نەسيە رەسىمدەۋگە بولادى. قارىز الۋشىنىڭ تۇرعىلىقتى مەكەنجايى نەمەسە تىركەلگەن مەكەنجايىنا بايلانىستى, سونداي-اق ءبىرىنشى رەت العالى وتىرعان باسپاناسىنىڭ ورنالاسقان ورنى بويىنشا ەشقانداي شەكتەۋ جوق. ياعني ءسىز اۋىلدا تۇرىپ, ءىرى قالاعا كوشۋدى ارمانداپ جۇرگەن بولساڭىز, وندا ىسكە ءسات!
2. پوتەنتسيالدى قارىز الۋشىعا قويىلاتىن جەڭىل تالاپتار
ەڭبەك نە/جانە كاسىپكەرلىك قىزمەتىنەن سوڭعى 6 اي بويىنا ۇزدىكسىز رەسمي كىرىسى بار قازاقستان ازاماتى قارىز الۋعا ۇمىتتەنە الادى. ايماقتار ءۇشىن ونىڭ كىرىسى ايىنا 120 مىڭ تەڭگەدەن, ال ءىرى قالالار ءۇشىن 200 مىڭ تەڭگەدەن كەم بولماۋى قاجەت. بۇدان بولەك, قارىز الۋشىنىڭ بانككە ءوتىنىم بەرگەن ساتىندە ءوز باسپاناسى بولماعانى دۇرىس. سونداي-اق, قارىز الۋشىنىڭ جاسى 21-دەن كىشى جانە يپوتەكالىق قارىزىنىڭ سوڭعى تولەمىن جاسايتىن ساتىندە 60 جاستان ۇلكەن بولماۋى كەرەك. يپوتەكالىق تۇرعىن ءۇي قارىزدارى بويىنشا وتەلمەگەن بەرەشەگىنىڭ بولماۋى دا تەكسەرىلەدى.
3. قوسالقى قارىز الۋشىنى تارتۋ مۇمكىندىگى
كۇيەۋى (ايەلى) نە جاقىن تۋىستارى قوسالقى قارىز الۋشى بولا الادى. قوسالقى قارىز الۋشىعا «7-20-25» باعدارلاماسىنىڭ تالاپتارى جۇرمەيدى. دەمەك, قوسالقى قارىز الۋشىنىڭ پاتەرىنىڭ بار-جوعى بانك شەشىمىنە اسەر ەتپەيدى. قوسالقى قارىز الۋشىعا نەسيە تاريحىنىڭ بۇزىلماۋى, تولەم قابىلەتتىگى جانە باسقا دا قارىزدارى بويىنشا بورىشتارىن ۋاقىتىلى وتەۋى سياقتى كادۋىلگى تالاپتار قويىلادى.
4. قۇجاتتار جيىنتىعىنىڭ ازدىعى
قارىز الۋعا ءوتىنىم بەرۋ ءۇشىن بانككە تەك جەكە كۋالىگىن, ەڭبەكاقىسى جونىندەگى, زتمو-عا اۋدارىمدارى جونىندەگى جانە العالى وتىرعان جىلجىمايتىن مۇلىكتىڭ باعالانعان قۇنى جونىندەگى انىقتامالارىن, نەكەگە تۇرعانى نەمەسە بۇزعانى جونىندەگى كۋالىگىن, قۇرىلىس سالۋشىعا باستاپقى جارنا ءتولەمىن راستايتىن قۇجاتىن, جىلجىمايتىن مۇلىكتىڭ قۇقىن راستايتىن قۇجاتتارىنىڭ كوشىرمەسىن/تۇپنۇسقاسىن, ساتىپ الۋ-ساتۋ كەلىسىمىنىڭ پاتەر قاعازىن/الدىن الا كەلىسىمىن, جەكە مەنشىگىندە جىلجىمايتىن مۇلكى جوق ەكەنى جونىندەگى انىقتاماسىن اكەلەدى.
5. باعدارلاما تالاپتارىنا ساي كەلەتىن باسپانا تاڭداۋعا كومەك
باعدارلامانىڭ شارتتارىنا سايكەس, پايدالانۋعا بەرىلگەن جاڭا سالىنعان تۇرعىن ۇيلەرگە عانا يپوتەكا رەسىمدەلەدى. بىراق سالىنعان جىلىنا شەكتەۋ قويىلمايدى. تۇرعىن ءۇيدىڭ ەڭ جوعارعى قۇنى استانا, الماتى, اقتاۋ, اتىراۋ, شىمكەنت قالالارى ءۇشىن – 25 ملن تەڭگە, باسقا ايماقتار ءۇشىن – 15 ملن تەڭگە. باعدارلامانىڭ شارتتارىنا ساي كەلەتىن جاڭا تۇرعىن ۇيلەر مەن تۇرعىن ءۇي كەشەندەرى تۋرالى بەلگىلى ءبىر ءتىزىم جوقتىعىنان پاتەر تاڭداۋ قيىنعا اينالۋى مۇمكىن. سونداي جاعدايدا Halyk Bank سەرىكتەس-قۇرىلىس سالۋشىلاردىڭ پاتەرلەرىن ۇسىنا الادى. ولاردىڭ قاتارىندا الماتى قالاسىنداعى «وركەندەۋ» جانە «حان ءتاڭىرى» تۇرعىن ءۇي كەشەندەرى بار.
6. تەگىن قىزمەت كورسەتۋ
Halyk Bank قارىز بەرگەنى جانە قىزمەت كورسەتكەنى ءۇشىن ەشقانداي كوميسسيا المايدى.
7. يپوتەكالىق نەسيەلەندىرۋدىڭ باسقا تۇرلەرى
Halyk Bank ۇسىناتىن باسقا دا يپوتەكالىق باعدارلامالارى بار. وندا Halyk Bank ەڭبەكاقى جوباسىنىڭ قاتىسۋشىلارىنا جەڭىلدىكتەر جاسالعان. مىسالى, Halyk Sale باعدارلاماسى ارقىلى قارىز الۋشىلار بانك تەڭگەرىمىندەگى جىلجىمايتىن مۇلىكتى جىلدىق پايىزدىق ءمولشەرلەمەسى 8%-بەن نەسيەگە الا الادى.
Halyk Bank مەملەكەتتىك باعدارلاما ارقىلى يپوتەكا بەرۋگە قوسىلعانىنا نەبارى ءبىر اي بولسا دا يپوتەكالىق زايمعا سۇرانىس ازىردەن جوعارى: بۇگىندە بانككە كليەنتتەردەن ونداعان ءوتىنىم ءتۇستى, ودان باسقا بارلىق فيليالدارىندا كۇندە ەگجەي-تەگجەيلى كەڭەس بەرىلەدى.
ەگەر ءسىزدى «7-20-25» باعدارلاماسى ارقىلى جاڭا تۇرعىن ءۇيدى يپوتەكاعا الۋ مۇمكىندىگى قىزىقتىرسا:
سىزگە استانا قالاسىندا 40-تان استام تۇرعىن ۇيلەردە قولايلى جىلجىمايتىن مۇلىكتى تاڭداۋعا بولادى, ونىڭ ىشىندە استانانىڭ وڭ جاعالاۋىندا ورنالاسقان: «تارلان» تك, «اكسيوما» تك, «سۇڭقار» تك, «اباي ءۇي» تك جانە باسقالار. سول جاق جاعالاۋدا باعدارلاماعا «قاراتاۋ» تك, «Smart city» تك, «كامال-4» تك, «تاۋ» تك, «Nova city» تك 4, 8, 9, 13, «Nura Esil» تك, «سانات» تك قاتىسادى. جىلجىمايتىن مۇلىكتىڭ تولىق ءتىزىمىن دەربەس سەرۆيس ورتالىقتارىندا مەنەدجەرلەردەن العاشقى كەڭەس الۋ كەزىندە ناقتىلاۋعا بولادى.
www.halykbank.kz