استانا
وسى اپتادا ەلورداعا 630 توننا كومىر جەتكىزىلدى. قازىرگى تاڭدا كومىردىڭ جالپى قورى 11167,05 توننانى قۇرايدى.
الماتى وبلىسى
ەڭبەكشىقازاق اۋدانىندا ءباسپاسوز وكىلدەرى ولكەتانۋ ساياحاتىنا شىقتى. جۋرناليستەرمەن بىرگە جەرگىلىكتى تاريحشىلار ەسىك كولىندە, تۇرگەن شاتقالىندا, «ەسىك» مەملەكەتتىك تاريحي-ءمادەني قورىق-مۋزەيىندە بولىپ قايتتى.
تۇركىستان وبلىسى
«تۇركىستان وبلىسىندا اگروونەركاسىپتىك كەشەنىن دامىتۋدىڭ وڭىرلىك باعدارلاماسى» اياسىندا وبلىستا اۋىل شارۋاشىلىعى ءونىمىن وڭدەيتىن 45 كاسىپورىن ىسكە قوسىلادى. بۇگىنگە دەيىن وڭىردە 43 مىڭ توننا ءسۇت قايتا وڭدەلىپ كەلسە, كەلەشەكتە ونىڭ كولەمى 92 مىڭ تونناعا ارتادى.
جامبىل وبلىسى
«تارازگازونىمدەرى» جشس شەتەلدىك «ۆيزون ينجينيرينگ لتد» كومپانياسىمەن بىرلەسىپ, 16 ملرد تەڭگە تۇراتىن قاروي اۋىلدىق وكرۋگىندە سۇيىق گازدى قايتا وڭدەيتىن زاۋىتتىڭ قۇرىلىسىن باستايدى.
قىزىلوردا وبلىسى
ن.بەكەجانوۆ اتىنداعى قازاق مۋزىكالىق دراما تەاترى حالىقارالىق ونەر فەستيۆالىنە ر.وتارباەۆتىڭ «ناركوم جۇرگەنوۆ» دراماسىمەن قاتىسىپ, «ۇلتتىق اۆتورلاردىڭ ۇزدىك دراماسى» اتاعىنا يە بولدى. ال سىرىم ابدرازاقوۆ باس كەيىپكەردىڭ بەينەسىن ۇزدىك سومداعانى ءۇشىن «ۇزدىك ەر ادام بەينەسى» نوميناتسياسى بويىنشا ماراپاتتالدى.
اقتوبە وبلىسى
اقتوبە قالاسىندا ۇلتتىق ۆاليۋتا – تەڭگەنىڭ 25 جىلدىعىنا وراي قر ۇلتتىق بانكى اقتوبە فيليالىنىڭ ۇيىمداستىرۋىمەن «تەڭگە – بالالاردىڭ كوزىمەن» اتتى سۋرەت بايقاۋىنىڭ قورىتىندىسى جاريالانىپ, ءۇزدىكتەر ماراپاتتالدى.
شىعىس قازاقستان وبلىسى
جىل باسىنان بەرى رەسەيدەن شقو-عا 5 مىڭنان اسا تۋريست كەلگەن. بۇل سوڭعى ءۇش جىلمەن سالىستىرعاندا 4,5 ەسە كوپ.
سولتۇستىك قازاقستان وبلىسى
پەتروپاۆلدا العاش رەت مي ءىسىگىنە شالدىققان ناۋقاسقا كۇردەلى وتا جاسالدى. وسىعان دەيىن تەك استانا, الماتى سياقتى قالالاردىڭ ەمدەۋ ورتالىقتارىندا عانا جاسالاتىن كۇردەلى وتانى بىلىكتى مامان-ءدارىگەرلەردىڭ ارقاسىندا ءوڭىرلەردە دە جاساۋعا مۇمكىندىك اشىلىپ وتىر.
