استانادان اۋىلعا دەيىن…
استانا
ەلوردادا الەۋمەتتىك جاعىنان از قامتىلعان 700 وتباسى كومىرمەن قامتاماسىز ەتىلۋ كومەگىنە يە بولدى. جىلىتۋ ماۋسىمىنىڭ سوڭىنا دەيىن 1000 وتباسى وسىنداي كومەكپەن قامتىلادى دەپ جوسپارلانعان.
الماتى
الماتىدا جاندوسوۆ كوشەسى بويىنداعى اقساي وزەنى ارقىلى وتەتىن كوپىر قايتا جاسالىپ, پايدالانۋعا بەرىلدى. 1963 جىلى سالىنعان كوپىر 2015 جىلى اپاتتى دەپ تانىلعان بولاتىن.
اقمولا وبلىسى
وبلىس ورتالىعىندا وتكەن ءماۋلىت كەشىندە ءدىن وكىلدەرى وبلىس حالقىنىڭ جادىندا قالعان جومارت جاندارعا سىي-سياپات جاسادى. سونىڭ ىشىندە باۋىرلارىن ورتەنىپ جاتقان ۇيدەن قۇتقارعان 8 جاسار ۇلدانا سوۆەتتىڭ وتباسىنا كراسنىي يار كەنتىنەن ەكى بولمەلى جاڭا پاتەردىڭ كىلتىن تابىستادى.
اتىراۋ وبلىسى
اتىراۋدا كوركەم گيمناستيكادان «كاسپي جۇلدىزدارى» چەمپيوناتى ءوتتى. وعان قازاقستاننىڭ تۇكپىر-تۇكپىرىنەن 400-دەن اسا جاس سپورتشى قىزدار قاتىستى.
جامبىل وبلىسى
تاراز قالاسىندا «7-20-25» يپوتەكالىق باعدارلاماسىن جۇزەگە اسىرۋ ماقساتىندا ارنايى ورتالىقتاندىرىلعان ءتۇسىندىرۋ كەڭسەسى اشىلدى. وندا باعدارلاماعا قاتىسۋشى بارلىق ەكىنشى دەڭگەيدەگى بانك وكىلدەرى شوعىرلانعان.
قىزىلوردا وبلىسى
ا.توقماعانبەتوۆ اتىنداعى وبلىستىق مادەنيەت ۇيىندە «كەرۋەن جىردىڭ جالعاسى» اتتى جىراۋلىق مەكتەپ ءشاكىرتتەرىنىڭ كونتسەرتى ءوتتى.
تۇركىستان وبلىسى
تۇركىستان قالاسىندا العاش رەت «AGROFEST-2018» اۋىل شارۋاشىلىعى فەستيۆالى ءوتتى. ەسىمحان الاڭىندا وتكەن شارادا قوناقتار ءۇشىن 1 توننا پالاۋ مەن 1 توننا باۋىرساق دايىندالىپ, كوپشىلىككە تەگىن تاراتىلدى.
سولتۇستىك قازاقستان وبلىسى
پەتروپاۆلدا سوڭعى ۇلگىدەگى وقۋشىلار سارايى اشىلدى. جوعارى تەحنولوگيالىق بازاسى بار «Digital URPAQ» سارايى «تسيفرلىق قازاقستان» اياسىندا ىسكە اسىرىلعان جاڭا بۋىننىڭ زياتكەرلىك دامۋ, روبوتوتەحنيكا, بيوتەحنولوگيا جانە مەحاترونيكانىڭ ورتالىعى سانالادى.
شىعىس قازاقستان وبلىسى
سەمەيدەگى قازاق يننوۆاتسيالىق گۋمانيتارلىق زاڭ ۋنيۆەرسيتەتى مەن قالالىق سوت ءوزارا ىنتىماقتاستىق تۋرالى مەموراندۋمعا قول قويدى. «قۇقىقتانۋ» فاكۋلتەتىندە وقۋعا ارنالعان سوت زالى اشىلدى.