ۇلىستىڭ ۇلى كۇنى قارساڭىندا ەلورداداعى باسقارۋ كوللەدجىندە وتكەن «ادىستەمەلىك اشىق ەسىك كۇنى» شاراسىنا ءبىلىم باسقارماسىنىڭ وكىلدەرى ب.جۇكەنوۆا, س.يسينا, ب.حاتپينا, «ورلەۋ» بىلىكتىلىكتى كوتەرۋ ينستيتۋتىنىڭ اعا وقىتۋشىسى م.دۇيسەباەۆا جانە استاناداعى كوللەدجدەردىڭ وقىتۋشىلارى قاتىستى.
اشىق ساباقتار ادىستەمەلىك باعدارلاماعا سايكەس ءوتتى. جالپى ءبىلىم بەرۋ پاندەرى بويىنشا التى وقىتۋشى, اتاپ ايتساق ا.جابينوۆا, ر.وزبەكوۆا, پ.حامزينا, ت.سماعۇلوۆ, ن.وماروۆا, س.اليەۆ جانە ارنايى پاندەر بويىنشا و.مانىباەۆ, ك.باقبەرگەنوۆا, س.مۋراۆەۆا, ف.تۇسىپباەۆا, ا.الشىنباەۆا مەن ۆ.روستانەتس اشىق ساباقتارىن كورسەتتى. سونىمەن قاتار, ارنايى پاندەر وقىتۋشىلارى ا.قۋانعاليەۆا, ا.توكەجانوۆا ساباقتان تىس ءىس-شارا وتكىزدى. شاراعا قاتىسۋشىلارعا, اسىرەسە, ۆ.ەرماكوۆانىڭ «تابىستى وقىتۋشى. ول قانداي بولۋى كەرەك؟» اتتى سەمينار-ترەنينگى, سونداي-اق, «كوكتەمگى كالەيدوسكوپ» اتتى دەفيلە ەرەكشە اسەر قالدىردى. ال, ادىستەمەلىك كابينەت كورمە ۇيىمداستىردى.
قوناقتار اشىق ساباقتارعا, سىنىپتان تىس ءىس-شارالارعا جوعارى دەڭگەيدە باعا بەرىپ, كوللەدج باسشىلىعىنا وتە جاقسى ۇيىمداستىرعانى ءۇشىن العىستارىن ءبىلدىردى.
گۇلجاميلا اكىمبەتوۆا,
باسقارۋ كوللەدجى تاربيە جۇمىسىنىڭ مەڭگەرۋشىسى
