2023 جىلدىڭ 1 قاڭتارىنان باستاپ «الەۋمەتتىك ءاميان» جوباسى ىسكە قوسىلادى. ەندى از قامتىلعان 1 ميلليون وتباسىنىڭ اتاۋلى الەۋمەتتىك تولەمدەرى وسى اميانعا تۇسەدى. الەۋمەتتىك ماڭىزى بار 19 تاۋارعا اكىمدىك تاراپىنان بەرىلەتىن قوسىمشا قاراجات تۋرالى اقپار دا وسى قوسىمشادا بولادى.
سالالىق مينيسترلىك الەۋمەتتىك ءاميان ۇلتتىق بانك پەن بانكتەر تاراپىنان وسى تەتىكتى ەنگىزۋ جۇمىستارى اياقتالعاننان كەيىن مۇمكىن بولاتىنىن ايتتى. ىسكە قوسىلعان سوڭ الەۋمەتتىك-ەڭبەك سالاسىنا مەملەكەتتىك قولداۋدىڭ بارلىق تولەمدەرى ءاميان ارقىلى جۇزەگە اسىرىلادى. ونىڭ ىشىندە ءبىر جاسقا دەيىنگى بالا كۇتىمى, جۇمىسىنان ايىرىلۋ بويىنشا جاردەماقىلار جانە باسقالارى بار. وسىلايشا ساۋدا مينيسترلىگى باعا ساياساتىن باقىلاۋعا الامىز دەپ وتىر.
جالپى 2023 جىلى الەۋمەتتىك سالاعا جۇمسالاتىن شىعىندار 10 تريلليون 634 ميلليارد تەڭگەنى قۇرايدى. بۇل بىلتىرعىمەن سالىستىرعاندا 1 تريلليون 985 ميلليارد تەڭگەگە كوپ. شىعىنداردىڭ نەگىزگى بولىگى, ياعني 4 تريلليون 634 ميلليارد تەڭگەسى الەۋمەتتىك قامسىزداندىرۋ مەن الەۋمەتتىك كومەككە تيەسىلى. ونىڭ ءوسۋى جىل سايىنعى يندەكساتسيامەن جانە زەينەتاقى, جاردەماقى الۋشىلار سانىنىڭ ۇلعايۋىمەن, سالا قىزمەتكەرلەرىنىڭ جانە مەملەكەتتىك قىزمەتشىلەردىڭ جالاقىسىنىڭ ارتۋىمەن بايلانىستى.
