سارىارقا اۋدانىنىڭ اكىمى ەسەت بايكەن قالانىڭ شەتكى ايماق تۇرعىندارىمەن كەزدەسۋلەردى جالعاستىرىپ جاتىر. وتكەندە «كوكتال-1» تۇرعىن الابىندا اتقارىلعان جۇمىستار تۋرالى بايانداسا, وسى اپتادا «اگروقالاشىق» تۇرعىن الابىنىڭ تۇرعىندارىمەن كەزدەستى. نۇر-سۇلتان قالاسى ءماسليحاتىنىڭ دەپۋتاتى ەرلان داكەنوۆ قاتىسقان جۇزدەسۋدە اۋدان باسشىسى ەلدى مەكەندە تياناقتالعان ىستەر تۋرالى ايتىپ, تۇرعىنداردىڭ سۇراقتارىنا جاۋاپ بەردى.
«اگروقالاشىق» تۇرعىن الابىندا بيىل كوشەلەردى جوندەۋ, قوعامدىق كەڭىستىكتەر سالۋ, گاز تارتۋ سياقتى بىرقاتار ماسەلەلەر شەشىلدى. اتاپ ايتقاندا, ءبىر قوعامدىق كەڭىستىك سالىنىپ, 8 كوشەگە اسفالت توسەلدى. 21 كوشەگە جارىق تارتىلىپ, 11 كوشە اكىمدىك بالانسىنا قابىلداندى. 7 اۋلا اباتتاندىرىلدى. 4 باعدارشام, 5 جىلى ايالداما ورناتىلدى. جاڭا №26 قوعامدىق كولىك باعدارى ىسكە قوسىلدى. 10-عا جۋىق كوشەگە قاجەتتى جول بەلگىلەرى قويىلدى. سۋ تاسقىنىنىڭ الدىن الۋ ءۇشىن 21 مەكەنجايدا جالپى ۇزىندىعى 5 مىڭ مەتردى قۇرايتىن سۋ وتكىزۋ قۇبىرلارى تارتىلدى.
قازىرگى تاڭدا «اگروقالاشىق» تۇرعىن الابىندا 70-تەن استام كوشەگە گاز تارتىلدى. قالعان 20 كوشەنى قاراشا ايىنىڭ ورتاسىنا دەيىن قوسۋ جوسپارلانۋدا. بۇگىنگە دەيىن 235 ءۇي گازعا قوسىلسا, 665 تۇرعىن تەحنيكالىق شارتتاردى الدى.
اۋدان اكىمى تۇرعىندارمەن كەلەر جىلعا قويعان جوسپارلارىمەن ءبولىستى. مىسالى, الداعى جىلى «اگروقالاشىق» تۇرعىن الابىندا كوشەلەردى جوندەۋ, 1200 ورىنعا ارنالعان مەكتەپ قۇرىلىسىن باستاۋ, ەلەكترقۋاتىمەن قامتاماسىز ەتەتىن ەچ-8 جەلىسىن اكىمدىك قاراماعىنا الۋ, اۋلالاردى مۇمكىندىگى شەكتەۋلى جاندارعا بەيىمدەي وتىرىپ, ينكليۋزيۆتى الاڭدار جاساۋ, ايالداما كەشەندەرىن قالىپقا كەلتىرۋ جانە ت. ب. جۇمىستار جوسپارلانۋدا.
تۇرعىن الاپتاردى دامىتۋ باعىتىنداعى جۇمىستار – قالا اكىمى التاي كولگىنوۆتىڭ قاتاڭ باقىلاۋىندا. ەسەت بايكەن الداعى ۋاقىتتا «كوكتال-2» تۇرعىندارىمەن كەزدەسەدى.
