– مەديتسينالىق قىزمەت كورسەتۋدىڭ ساپاسى مەن قولجەتىمدىلىگىن قامتاماسىز ەتۋ ماسەلەسىن قازاقستان پرەزيدەنتى قاسىم-جومارت توقاەۆ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى حالىققا جولداۋىندا ەرەكشە اتاپ كورسەتتى. جولداۋدا حالىقتىڭ دەنساۋلىعىنا بايلانىستى اسىرەسە, انا مەن ءسابي ولىمىنە قاتىستى كورسەتكىشتەردىڭ وڭىرلىك تەڭگەرىمسىزدىگىنە قاتىستى پىكىرىن ءبىلدىردى. 
رەتى كەلگەندە ايتا كەتەلىك, قالا بويىنشا نەگىزگى مەديتسينالىق-دەموگرافيالىق كورسەتكىشتەرىنىڭ جاقسارعانىن اتاپ وتكەنىمىز ءجون. وسىلايشا, سوڭعى جىلدارى ەلوردادا ءومىر ءسۇرۋ ۇزاقتىعى ارتىپ, جالپى ءولىم-ءجىتىم, قۇرت اۋرۋى, قاتەرلى ىسىك اۋرۋلارى, قان اينالىمى جۇيەسى اۋرۋلارى جانە باسقالار ازايدى.
بۇگىنگى تاڭدا دەنساۋلىق ساقتاۋدى تسيفرلاندىرۋ وتاندىق مەديتسينانى دامىتۋدىڭ ماڭىزدى باعىتتارىنىڭ ءبىرى بولىپ تابىلادى. IT-مەديتسينا سالاسىندا كوپ جۇمىس جاسالدى, ەندى ەلوردادا دارىگەردىڭ قابىلداۋىنا ءموبيلدى قوسىمشا ارقىلى نەمەسە ikomek 109 بايلانىس ورتالىعى ارقىلى جازىلا الادى. سونىمەن قاتار بارلىق مەديتسينالىق ۇيىمداردا 1 ميلليوننان استام مەديتسينالىق قۇجاتتار تسيفرلاندىرىلدى, اتقارىلعان جۇمىستاردىڭ ارقاسىندا ءار تۇرعىنعا ەلەكتروندى تولقۇجات جاسالدى. ەندى اركىمنىڭ ءوز دەنساۋلىعىنىڭ كورسەتكىشتەرىن باقىلاۋعا, جەكە دەنساۋلىعى تۋرالى جازبا ارقىلى ماماندارمەن بايلانىسۋعا مۇمكىندىگى مول.
پرەزيدەنت جولداۋىندا اتاپ كورسەتكەن انا مەن ءسابي دەنساۋلىعى جايىنا توقتالساق, انا مەن بالا ءولىمىن ازايتۋعا باعىتتالعان نەگىزگى ءىس-شارالاردى اتاپ وتكىم كەلەدى. جۇكتى ايەلدەرگە, بوسانعان ايەلدەرگە ۋاقتىلى, مامانداندىرىلعان, شۇعىل مەديتسينالىق كومەك كورسەتۋ ءۇشىن №1 قالالىق اۋرۋحانانى جانە №2 پەريناتالدى ورتالىقتى بىرىكتىرۋ ارقىلى №1 قالالىق كوپبەيىندى اۋرۋحانا قۇرۋ جوسپارلانۋدا. سونداي-اق 250 توسەك ورنى بار اكۋشەرلىك ءبولىمنىڭ قۇرىلىسى قاراستىرىلعان.
بۇل – جۇكتى جانە بوسانعان ايەلدەر ءۇشىن قولايلى جاعداي جاساۋ مەن مەديتسينالىق كومەكتىڭ ساپاسىن ارتتىرۋعا باعىتتالعان شارالار.
ءاليا رۇستەموۆا,
نۇر-سۇلتان قالاسى قوعامدىق
دەنساۋلىق ساقتاۋ باسقارماسى
باسشىسىنىڭ ورىنباسارى
