قازاقستاندىق كاسىپقوي بوكسشى گەننادي گولوۆكين WBA Super, WBC جانە IBO نۇسقالارى بويىنشا چەمپيوندىق بەلبەۋلەرىن قورعاعان جەكپە-جەكتە مەكسيكالىق ساۋل الۆارەستەن جەڭىلدى.
بۇعان دەيىن ءبىر رەت جۇدىرىقتاسىپ, ءبىر-ءبىرىن الا الماعان قوس مىقتىنىڭ وسى جولعى كەزدەسۋى جەڭىسپەن اياقتالدى. لاس-ۆەگاستە وتكەن جىلدىڭ ايتۋلى ايقاسى 12 راۋندقا سوزىلدى. قازىلار القاسىنىڭ شەشىمىمەن جەڭىس «كانەلوعا» بۇيىردى. تورەلىك ايتقانداردىڭ ەكەۋى جەڭىستى ەسەپ تىركەسە, بىرەۋى تەڭ ءتۇستى دەپ سانادى.
وسىلايشا جەڭىلىپ كورمەگەن گەننادي گولوۆكين العاشقى جەڭىلىستىڭ ءدامىن تاتتى. ول بۇل جەكپە-جەككە دەيىن كاسىپقوي بوكسشى رەتىندە 38 رەت شارشى الاڭعا شىعىپ 37-سىندە جەڭىسكە جەتسە, بىرەۋىندە تەڭ تۇسكەن. سونىڭ 34-ءىن نوكاۋتپەن اياقتاعان.
