مەيرام قۇداباەۆ, استانا تۇرعىنى:
– سوڭعى كۇندەرى باس شاھاردا اۋا رايى مىڭ قۇبىلىپ تۇر. اۋەلدە جەل تۇرىپ, ونىڭ سوڭى قارلى جاڭبىرعا ۇلاستى. سوندىقتان قازىر قىسقى دوڭگەلەكتەر مەن ونى اۋىستىرۋ قانشا تۇراتىنىن بىلگىم كەلەدى.
بۇعان قالاداعى شينا جوندەۋ ورتالىعىنىڭ قىزمەتكەرى نيكيتا ميترافونوۆ جاۋاپ بەرەدى.
– قازىرگى كۇندە جازعى دوڭگەلەكپەن ءجۇرۋ ومىرىڭىزگە وتە قاۋىپتى. سوندىقتان كوپ ۋاقىت كەتىرمەي, كولىگىڭىزدى قىسقى دوڭگەلەككە اۋىستىرىڭىز. ماسەلەن, ەلوردادا قىسقى دوڭگەلەكتەردىڭ باعاسى ونى شىعارعان ەلگە بايلانىستى. قازىر كورەيا مەن رەسەيدەن شىققان دوڭگەلەكتەر سۇرانىسقا يە. ولاردىڭ باعاسى 60 جانە 100 مىڭ ارالىعىندا تۇرادى. ال جازعى دوڭگەلەكتى قىسقا اۋىستىرۋ ءۇشىن شينا جوندەۋ ورىندارىنا 4 پەن 6 مىڭعا دەيىن تولەيسىز.
