قازاقستاننىڭ بىرىڭعاي جيناقتاۋشى زەينەتاقى قورى (بجزق) ازەربايجان حالىقارالىق بانكىنىڭ ء(احب) ينۆەستورى ەمەس. بۇل تۋرالى كەشە ماجىلىستە جۋرناليستەردىڭ ساۋالىنا جاۋاپ بەرگەن ۇلتتىق بانك توراعاسى دانيار اقىشەۆ مالىمدەدى. بۇل جەردەگى اڭگىمە ءتورت جىل بۇرىن بجزق 70 ملرد تەڭگەگە (250 ملن دوللار) ءاحب-نىڭ وبليگاتسيالارىن ساتىپ العانى جونىندە بولىپ وتىر.
ۇلتتىق بانك باسشىسىنىڭ ايتۋىنشا, اتالعان بانكتىڭ بارلىق قاعازدارى ازەربايجاننىڭ مەملەكەتتىك باعالى قاعازدارىنا اۋىستىرىلعان. «ياعني, ءبىز قازىر ازەربايجان مەملەكەتىنىڭ ينۆەستورى بولىپ تابىلامىز. بجزق-نىڭ الگى بانككە ەشقانداي دا قاتىسى جوق» دەپ ءتۇسىندىردى د.اقىشەۆ. ول ەكى جىل بۇرىن وسى ماسەلەنىڭ ەگجەي-تەگجەيلى تۇسىندىرىلگەنىن قايتالادى. ءسوزىنىڭ توق ەتەرىندە, بجزق-نىڭ ازەربايجان رەسپۋبليكاسىنىڭ قارجى مينيسترلىگىنىڭ وبليگاتسيالارىن يەلەنگەنىن جەتكىزدى. قوش دەلىك.
ءسال شەگىنىس جاساساق, وتكەن جىلدىڭ مامىر ايىندا ازەربايجانداعى بانك سەكتورىنىڭ جيىنتىق اكتيۆتەرىنىڭ 40 پايىزىن قۇرايتىن ءاحب بانكروت بولعانىن حابارلادى. ال تامىز ايىندا بجزق-نىڭ باسشىلىعى ەكىجاقتى كەلىسسوزدەر ناتيجەسىندە ءاحب-نىڭ وبليگاتسيالارىن ازەربايجان ۇكىمەتىنىڭ باعالى قاعازدارىنا اۋىستىرۋ تۋرالى شەشىم قابىلدادى. سول ۋاقىتتا ءماجىلىس دەپۋتاتتارى پرەمەر-مينيستر ب.ساعىنتاەۆ پەن ۇلتتىق بانك توراعاسى د.اقىشەۆكە بجزق-نىڭ «جەلگە ۇشقان» قاراجاتى تۋرالى ساۋال جولدادى. كوپ ۇزاماي «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ ازەربايجاندىق بانككە سالىنعان بجزق-نىڭ اقشاسى تولىقتاي قايتارىلاتىنىن ايتتى.
ودان بۇرىن ۇلىبريتانيانىڭ اۋىر قىلمىستارمەن كۇرەس اگەنتتىگى ءاحب-نىڭ ەكس-باسشىسى جاھانگير حادجيەۆتىڭ جۇبايىنىڭ تابىسىنا قاتىستى اقپارات تاراتتى. ايەلدەن قۇنى 11,5 ميلليون فۋنت ءۇيى مەن 10,5 ميلليون فۋنت جەر ۋچاسكەسى جونىندە تۇسىنىك بەرۋىن تالاپ ەتتى. شىلدە ايىندا حادجيەۆا سوت الدىندا جاۋاپ بەرىپ, 10 جىلدا لوندونداعى Harrods دۇكەنىنە 16 ميلليوننان اسا فۋنت ستەرلينگ جۇمساعانى ءمالىم بولدى. ونىڭ كۇيەۋى ج.حادجيەۆ ءاحب-نى 2001-2015 جىلدارى باسقارعان. 2016 جىلى باكۋ سوتى ونى بىرنەشە ايىپتاۋلار (مەملەكەت قاراجاتىن جەكە باسىنا پايدالانۋ, الاياقتىق, لاۋازىمىن اسىرا پايدالانۋ) بويىنشا 15 جىلعا باس بوستاندىعىنان ايىردى. سوت وعان 40 ميلليون دوللار كولەمىندە ايىپپۇل تولەۋدى مىندەتتەدى.
