استانادان اۋىلعا دەيىن…
استانا
الداعى 19-20 قازاندا ەلوردادا جاستاردىڭ دەنساۋلىعىنا جانە ساپالى ءبىلىم الۋىنا ارنالعان حالىقارالىق كونفەرەنتسيا وتەدى. وعان مەملەكەتتىك ورگانداردىڭ, حالىقارالىق جانە ۇكىمەتتىك ەمەس جاستار ۇيىمدارىنىڭ وكىلدەرى, سونداي-اق وتاندىق جانە الەمنىڭ 37 ەلىنەن ساياسي ساراپشىلار قاتىسادى.
اقتوبە وبلىسى
ەلباسى اقتوبە وبلىسىنا بارعان ساپارىندا ايماقتاعى بەس نىساندى ارالاپ, وڭىردە اتقارىلىپ جاتقان جۇمىستارعا وڭ باعا بەردى.
الماتى
قر تەرروريزمگە قارسى ورتالىعىنىڭ ۇيىمداستىرۋىمەن الماتى قالاسىنىڭ حالىقارالىق اۋەجايى ايماعىندا «دابىل-انتيتەررور – 2018» رەسپۋبليكالىق جەدەل-تاكتيكالىق وقۋ جاتتىعۋى ءوتتى.
ماڭعىستاۋ وبلىسى
وڭىردە «7-20-25» يپوتەكالىق تۇرعىن ءۇي نەسيەلەۋ باعدارلاماسى نەگىزىندە ەكىنشى دەڭگەيلى بانكتەرمەن 1,6 ملرد تەڭگەگە 194 ءوتىنىم قولداۋعا يە بولدى.
قوستاناي وبلىسى
ارقالىق قالاسىندا ءبىر كوپ قاباتتى تۇرعىن ءۇيدى ءورت شالىپ, ودان 40 ادام قاۋىپسىز جەرگە كوشىرىلگەن. ءورت شىققان پاتەردەن 5 بالا قۇتقارىلعان. الدىن الا بولجام بويىنشا, ءورت گاز باللونى رەدۋكتورىنىڭ اقاۋىنان بولعان.
قىزىلوردا وبلىسى
قىزىلوردادا كوگالداعى حوككەيدەن ەل بىرىنشىلىگى باستالدى. چەمپيوناتتىڭ شەشۋشى اينالىمىندا جامبىل, قىزىلوردا وبلىستارىنان, ورال, قاراتاۋ, شۋ قالالارىنان جانە سىرداريا, قازالى اۋداندارىنان ءتورت جاس ەرەكشەلىگى بويىنشا 7 كوماندا سىنعا تۇسەدى.
سولتۇستىك قازاقستان وبلىسى
وبلىس ورتالىعىندا قوجابەرگەن جىراۋدىڭ ەڭسەلى ەسكەرتكىشى اشىلدى.
پاۆلودار وبلىسى
پاۆلودار قالاسىندا بۇقار جىراۋدىڭ 350 جىلدىعىنا وراي قاراعاندى وبلىستىق تاريحي-ولكەتانۋ مۋزەيىنىڭ «ارقانىڭ اسىل مۇراسى» اتتى كورمەسى وتۋدە.
تۇركىستان وبلىسى
شاردارا قالاسىندا العاش رەت «Safari Shardara» حالىقارالىق تۇيەشىلەردىڭ فەستيۆالى وتەدى. قوناقتار قىزىلقۇم ءوڭىرىنىڭ تابيعاتىمەن تانىسىپ, ءتۇرلى ويىن-ساۋىقتار مەن سپورتتىق جارىستاردى تاماشالايدى. سونداي-اق فەستيۆال اياسىندا اۆتوكولىكتەردىڭ قۇمداعى جارىسى مەن كومپوزيتسيالىق «Rock racing» شوۋى ۇيىمداستىرىلادى.