استانادا جىل سايىن داستۇرگە اينالعان 1 تامىزدان باستاپ 30 قىركۇيەككە دەيىن «مەكتەپكە جول» رەسپۋبليكالىق اكتسياسى ءوتتى. بيىلعى يگىلىكتى شارا «باقىتتى بالالىق شاق مەكەنى» دەگەن اتپەن ۇيىمداستىرىلدى. اكتسيا اياسىندا 6 مىڭنان اسا وقۋشىعا الەۋمەتتىك كومەك كورسەتىلدى.
ىزگىلىكتى ءىستىڭ ماقساتى – جاڭا وقۋ جىلى قارساڭىندا كوپبالالى جانە از قامتىلعان وتباسىلارعا, جەتىم مەن اتا-اناسىنىڭ قامقورلىعىنان تىس قالعان جەتكىنشەكتەرگە ماتەريالدىق جانە باسقاداي قولداۋ كورسەتۋ.
شارا بارىسىندا 6 158 از قامتىلعان جانە كوپبالالى وتباسىلارعا 72 ملن 473 مىڭ تەڭگە كولەمىندە كومەك كورسەتىلدى, ونىڭ ىشىندە 4 632 بالاعا 49 ملن 338 مىڭ تەڭگەگە دەمەۋشىلىك قارجى جۇمسالدى.
اكتسيا اياسىندا قالالىق ءبىلىم باسقارماسىنىڭ جاۋاپتى تۇلعالارى, پوليتسيا قىزمەتكەرلەرى مەن ءبىلىم مەكەمەلەرىنىڭ ماماندارى 165 610 پاتەر جانە جەكەمەنشىك ءۇي, 1 972 جىلى جاي نىسانى, سونىمەن بىرگە ساۋدا نۇكتەلەرى مەن كوڭىل كوتەرۋ ورىندارى جانە تۇرعىن ءۇي جەرتولەلەرىن ارالادى. قورىتىندىسىندا بىلىممەن 22 ءجاسوسپىرىم قامتىلماي قالعانى انىقتالدى.
سونىمەن قاتار, «ەۋرازيا», «جاننۇر» سەكىلدى ءىرى ساۋدا ورىندارى مەن ورتالىق بازار اۋماعىندا كيىم-كەشەك پەن مەكتەپكە كەرەكتى جابدىقتارعا ارنالعان كونتەينەرلەر قويىلدى. ەلوردا اكىمدىگىنىڭ الدىنداعى الاڭدا مەكتەپ جارمەڭكەسى وتكىزىلدى. وعان 10 مىڭنان استام ادام قاتىستى. جارمەڭكەدە مەكتەپ فورماسى, كەڭسە تاۋارلارى مەن وقۋلىقتار ساتىلدى. سول شاراعا قاتىسقان كومپانيالار قاتارىندا وتاندىق وندىرۋشىلەردىڭ سانى باسىم بولدى.
سونداي-اق, 200-دەن اسا تۇرعىن بالالاردى مەكتەپكە ورنالاستىرۋ, ءتيىستى قۇجاتتاردى دايارلاۋ مەن قالپىنا كەلتىرۋ بويىنشا ءبىلىم باسقارماسى مەن «قۇقىق» قوعامدىق قورىنىڭ وكىلدەرىنەن كونسۋلتاتسيالىق كومەك الدى. بارلىق مەكتەپتەردە «ءبىرىنشى سىنىپقا ءبىرىنشى رەت», «وتباسىدان وتباسىعا جاردەم: بالانى مەكتەپكە جينايىق» جانە «بالالارعا بىرگە كومەكتەسەيىك» اتتى شارالار ۇيىمداستىرىلدى.
ازامات ەسەنجول
