جاقىندا يسپانيادا گرەپپلينگتەن الەم چەمپيوناتى مارەسىنە جەتتى. قازاقستان سپورتشىلارى 27 التىن مەدال جەڭىپ الدى.
جاستار اراسىنداعى جارىستا 26 التىن, 21 كۇمىس جانە 13 قولا مەدال العان قازاقستان كومانداسى ءبىرىنشى ورىنعا يە بولدى. ال ەرەسەكتەر باسەكەسىندە 1 التىن, 4 كۇمىس جانە 6 قولا جۇلدەگە قول جەتتى.
قازاقستان قۇراماسى ساپىندا ونەر كورسەتكەن استانا سپورتشىلارى دا كوماندالىق جەڭىسكە ۇلكەن ۇلەس قوستى. ەلوردالىق گرەپپلينگ شەبەرلەرى 8 التىن, 1 كۇمىس جانە 2 قولا مەدال ەنشىلەدى. اتاپ ايتقاندا, بەكزات قازتاەۆ, دينا جۋنۋسوۆا, شىنار ۋزبەكوۆا, ارىستان ايتمولدين, گافۋر ۋجاحوۆ, نۇراسىل تۇرىسبەكوۆ الەم چەمپيوناتىنىڭ جۇلدەگەرلەرى قاتارىنان كورىندى. سونداي-اق باپكەر توقتار زارۋبەكوۆ تە سىنعا ءتۇسىپ, مەدال يەلەندى.
يسپانيادا جەڭىسكە جەتكەن ەلوردالىق سپورتشىلاردى استانا قالاسىنىڭ اكىمى التاي كولگىنوۆ قابىلداپ, الەمدىك سىنداعى جەڭىستەرىمەن قۇتتىقتادى. ەلوردادا گرەپپلينگ سپورتىن دامىتۋعا ۇلەس قوسىپ جۇرگەن ازاماتتارعا جانە سپورتشىلارعا جاڭا جەتىستىكتەر مەن ساتتىلىك تىلەدى.
