كەشە ۇلى وتان سوعىسى ارداگەرلەرى مەن مۇگەدەكتەرىنە ارنالعان ورتالىق كلينيكالىق گوسپيتالدا ۇجىم قىزمەتكەرلەرى مەن اۋعان سوعىسىنىڭ ارداگەرلەرى ەرىكتى تۇردە قان تاپسىردى.
شاراعا قاتىسۋشىلاردىڭ ءبىرى – اۋعان سوعىسىنىڭ ارداگەرى مەيرامبەك تولەپباەۆ ناۋقاستارعا قان بەرۋدى ازاماتتىق پارىز سانايدى.
ەلوردامىزدا دونور قانىنا ءزارۋلىك وتە جوعارى. قان قۇيۋ ارقىلى عانا ادام ءومىرىن ساقتاپ قالۋعا بولاتىن اۋرۋ تۇرلەرىنە گەموفيليا, قان ازدىق, باۋىر, قاتەرلى ىسىك, كۇيىك شالۋ جاتادى. اسىرەسە, دونور قانى بوسانعان انا ءومىرىن ساقتاپ قالۋدا وتە ماڭىزدى.
– ادام ومىرىنە اراشا بولۋعا نيەتتەنگەندەردىڭ قاتارىندا ءوزىمىزدىڭ ارىپتەستەرىمىز بەن اۋعان سوعىسىنىڭ ارداگەرلەرى بار. دونور بولاتىن ادامنىڭ دەنساۋلىعى دۇرىس بولۋ كەرەك. ولاردىڭ بارلىعى قان تاپسىرار الدىندا دارىگەرلىك جانە زەرتحانالىق تەكسەرۋدەن وتكىزىلەدى. جالپى, دونور بولىپ, قان تاپسىرۋ ادامنىڭ ءوز دەنساۋلىعىنا دا پايدالى. دونور ءوز دەنساۋلىعىن جان-جاقتى تەكسەرتىپ قانا قويماي, وزگە جاننىڭ دا ءومىرىن ساقتاپ قالادى. ەگەر قان تاپسىرۋشى ازامات مەديتسينالىق تەكسەرۋدەن كەيىن قانداي دا ءبىر اۋرۋعا شالدىققانى انىقتالسا, ءبىز ونى ەمدەۋگە كىرىسەمىز, – دەيدى مەكەمە ديرەكتورى ءادىلحان ابدۋلين.
گۇلميرا شارحانقىزى
