«مىڭجىلدىقتار توعىسىنداعى استانا» كوشپەلىلەر وركەنيەتى فەستيۆالى سوڭعى التى جىلدا ەڭ تارتىمدى ءارى قىزىقتى جوبا ەكەنىن دالەلدەدى. 4-7 شىلدە ارالىعىندا ساعات 11:00-دە «حان شاتىر» ساۋدا جانە ويىن-ساۋىق ورتالىعى الاڭىندا وتەتىن ءداستۇرلى شارا ءبىر زامانداردا ارقا ءتوسىن دۇرىلدەتكەن جارمەڭكەگە نەمەسە دۋماندى قازاق اۋىلىنا ۇقسايدى.
بيىل مۇندا كورمەگە ارنالعان شاتىرلى كەشەن بوي كوتەرمەك. بۇل –قوس ءتارىزدى شاتىرلارمەن قورشالعان ءارى ارقانمەن تارتىلعان قۇرىلىس ءتۇرى. تاعى ءبىر جاڭالىعى – ات قۇلاعىندا وينايتىن بوزبالالار ونەر كورسەتۋى ءۇشىن 1600 شارشى مەتر اۋماققا قۇم توگىلەدى. سونىمەن بىرگە «جەل جادى» ينستاللياتسياسى مەن ادەت-عۇرىپ گولوگرافيالىق تەاترىنا ارنالعان شار ءتارىزدى كەشەن تۇرعىزىلادى.
كوشپەلىلەر وركەنيەتى فەستيۆالى اياسىندا مىناداي شارالار ۇيىمداستىرىلادى:
– ادەت-عۇرىپ گولوگرافيالىق تەاترى –اكتەرلەر مەن شەبەرلەر ۆيرتۋالدى ساحنا كەڭىستىگىندە ادەت-عۇرىپتاردى كورسەتەدى. ءار ءراسىمنىڭ كورەرمەندى بىرەسە وزەن جاعاسىنا, بىرەسە كيىز ۇيگە ورنالاستىراتىن وزىندىك گولوگرافيالىق ساحناسى جاسالدى;
– ءداستۇرلى مۋزىكا كونتسەرتى – ءداستۇرلى تۇركى مۋزىكالىق مۇراسىنىڭ جانرلىق ءار الۋاندىعى كورىنىس تابادى;
– اقىندار ايتىسى – اقىندار قىز بەن جىگىت ايتىسى, جۇمباق, قايىم جانە تۇرە ايتىستارى بويىنشا سىنعا تۇسەدى;
– «ات جالىندا» ات-سپورتى شوۋى;
– جامبى اتۋ – قاتىسۋشىلار وزدەرىنىڭ مەرگەندىكتەرىن سىنعا سالادى;
– ۇلتتىق قولدانبالى ونەر جارمەڭكەسى – شاتىرلى جارمەڭكە كەشەنىندە زەرگەرلىك بۇيىمدار, ۇلتتىق ىدىس-اياق, توقىما, اعاش بۇيىمدارى ساتىلادى. شارا بارىسىندا قولدانبالى ونەردەن شەبەرلىك ساعاتتارى وتەدى;
– كوشپەلى تسيرك;
– «كيىز باسۋ» ەتنوشوۋى;
– «التىن ساقا» سپورت سايىسى;
– «فولكلورعا تولى ءومىر» ەتنوشوۋى – شاراعا ءوز ۇلتىنىڭ فولكلورلىق مۇراسىن ساقتاعان تۇركى حالىقتارىنىڭ وكىلدەرى قاتىسادى;
– ۇلتتىق قازاق اسپاپتارىنىڭ شەرۋى;
«كيىم تاريحى» شوۋى – مۇندا كوشپەلى ۇلتتاردىڭ XIX عاسىرعا دەيىنگى كيىمدەرى كورسەتىلەدى;
– بالالارعا ارنالعان «مەنىڭ كىشكەنتاي كيىز ءۇيىم» شەبەرلىك ساعاتى – ءداستۇرلى شارادا جاس بۋىنعا كيىز ءۇي قۇرىلىسى مەن ونى تىگۋدىڭ قىر-سىرى تولىق باياندالادى;
– مۋزىكالىق اسپاپتار كورمەسى – كەلۋشىلەر عاسىرلار بويى ساقتالعان جادىگەرلەردى كورىپ ءارى ۇستاپ قانا قويماي, ونىڭ شىعۋ تاريحىمەن تانىسىپ, ءۇنىن تىڭداي الادى;
– قىران قۇس پەن تازى كورمەسى – مۇندا قوناقتارى ساياتشىلىق سىرلارىمەن تانىسىپ, اڭعا شىعۋ سالتىن ساقتاعان ىزباسارلارمەن تىلدەسە الادى;
– ۇلتتىق تاعام: قوناقتار قازاقتىڭ ۇلتتىق تاعامدارىمەن تانىسىپ ءارى ونىڭ ءدامىن تاتا الادى.
