ارىندى «ARLANS»
«استانا ارلانس» كلۋبى بۇكىلالەمدىك بوكس سەرياسىنىڭ (WSB) جاڭا ماۋسىمىندا قاتارىنان ءۇشىنشى جەڭىسىنە قول جەتكىزدى. اتىراۋدا وتكەن جەكپە-جەكتە ارلاندار قىتايلىق «چاينا دراگونس» بوكسشىلارىن بەت قاراتپاي جەڭدى.
شارشى الاڭعا شىققان شىمىر جىگىتتەردىڭ ءبارىنىڭ مەرەيى ۇستەم بولىپ, قارسىلاستارىنان 5:0 ەسەبىمەن باسىم ءتۇستى. الدىمەن 49 كەلى سالماقتا جۇدىرىقتاسقان تەمىرتاس ءجۇسىپوۆ حە تسزيۋنتسزيۋمەن كەزدەسىپ, ءتورەشىلەر ءبىراۋىزدان وتانداسىمىزدىڭ جەڭگەنىن مويىندادى.
ودان كەيىن 56 كەلىدە يلياس سۇلەيمەنوۆ ەسەپتى ەسەلەي ءتۇستى. ول قىتايلىق ۆان لۋندى قاپى قالدىردى.
ءۇشىنشى بولىپ رينگكە كوتەرىلگەن 64 كەلىلىك ءدىلمۇرات ءماجيتوۆ ليۋ يان اتتى بوكسشىنى ەكى رەت نوكاۋتقا جىبەرىپ ەسەڭگىرەتتى. وسىلايشا ول كومانداسىن ۋاقىتىنان بۇرىن جەڭىسكە جەتكىزدى.
سودان سوڭ 75 كەلىدە ساپارباي ايداروۆ پەن مينگانگ جاو قولعاپ ءتۇيىستىردى. ءناتيجەسىندە ءبىزدىڭ بوكسشىنىڭ ابىرويى استى.
ال ەڭ سوڭىنان شىققان اۋىر سالماقتاعى انتون پينچۋك سەرگەي نوۆيكانىڭ وسال تۇسىن تاپتى. ناتيجەسىندە ارلاندار كەزەكتى جەڭىسىنە جەتىپ, «س» توبىندا كوش باستاپ تۇر. ەندى «استانا ارلانستىڭ» كەلەسى كەزدەسۋى 18 ناۋرىز كۇنى تاراز قالاسىندا وتەدى. ولار رەسەيلىك «پاتريوت بوكسين تيم» كومانداسىمەن كۇش سىناسادى.