تاياۋدا ەلوردادا «اstana Bike» ۆەلوسيپەدتەردى جالعا بەرۋ جەلىسى ىسكە قوسىلدى. بيىل وزىق تەحنيكامەن جابدىقتالعان ەكى ءجۇز ۆەلوسيپەدكە ارنالعان قىرىق بەكەت اشىلادى. بەكەتتەر ەسىلدىڭ سول جاعالاۋىندا ءبىر-بىرىنەن 300-500 مەتر قاشىقتىقتا ورنالاسقان.
ءىس-شاراعا قالا اكىمى يمانعالي تاسماعامبەتوۆ قاتىستى.
«بىرىنشىدەن, ءبىز اۋىلدا ۆەلوسيپەد تەۋىپ وستىك. جالپى, قازاقتىڭ قاي قاراسيراق بالاسىن الما, ونىڭ بالالىق شاعىنداعى ارمانىنىڭ ءبىرى ۆەلوسيپەد ساتىپ الۋ, ۆەلوسيپەد تەبۋ بولدى. ال, ەندى ءبىزدىڭ قالاعا كەلەتىن بولساق, استانامىز – ادەمى ۇزدىك قالالارىنىڭ قاتارىندا دەپ ەسەپتەيمىن. كۇننەن-كۇنگە ءوسىپ, ىرگە كەڭەيتىپ كەلەدى. سوندىقتان, بۇل ونىڭ ەكولوگياسىن ساقتاۋ ءۇشىن قولايلى. ەكىنشىدەن, ۆەلوسيپەد تەبۋ – سپورتتىڭ ءبىر ءتۇرى. دەنساۋلىققا پايدالى» دەدى شاھار باسشىسى.
ۆەلوسيپەدتەردە قۋات كوزى رەتىندە كۇن باتارەيالارى قولدانىلادى. سونداي-اق, ولار ءتوزىمدى شينالارمەن, GPS جۇيەلەرىمەن جانە باسقا دا جاڭاشا قۇرالدارمەن جابدىقتالعان. بولشەكتەرىنىڭ ءبارى بىرەگەي جانە ءبىر عانا ەكوكولىككە جارامدى. جالپى, ەلوردادا 2017 جىلعا دەيىن 1000 ۆەلوسيپەدكە ارنالعان 100 بەكەت ىسكە قوسىلماق.
جۇما قازيەۆ
