استانا پوليتسياسى ءدامحانالاردىڭ بىرىندە كەلۋشىلەرگە ەسىرتكى ساتقان كۇدىكتىنى انىقتادى, دەپ حابارلايدى astana-akshamy.kz.
جەدەل-ىزدەستىرۋ ءىس-شارالارى بارىسىندا استانا قالاسى پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى قالا اۋماعىندا ورنالاسقان كافەلەردىڭ بىرىندە 49 جاستاعى ەر ادامدى انىقتاپ, ۇستادى. ول لاعمان ساتۋ سىلتاۋىمەن ءوز مەكەمەسىندە ەسىرتكى ساتقان.
“توسقاۋىل” ءجپىش اياسىندا ءتىنتۋ كەزىندە كافەدەن گاشيش سالىنعان پاكەت تابىلدى. سۇر-جاسىل ءتۇستى ەرەكشە ءيىسى بار 2 پوليەتيلەن ورامى تاركىلەندى. سوت-مەديتسينالىق ساراپتاماعا سايكەس الىنعان زات سالماعى 10,15 گرامم گاشيش بولىپ شىقتى. وسى فاكتى بويىنشا قىلمىستىق ءىس قوزعالدى. ەر ادام ۋاقىتشا ۇستاۋ يزولياتورىنا قامالدى.
