استانادان اۋىلعا دەيىن…
استانا
جوسپارلى جوندەۋ جۇمىستارىنا بايلانىستى نۇرسۇلتان نازارباەۆ حالىقارالىق اۋەجايىنىڭ ۇشىپ-قونۋ جولاعى 10-21 قىركۇيەك ارالىعىندا كۇندىزگى ۋاقىتتا جابىق بولادى. جوندەۋ جۇمىستارى جەرگىلىكتى ۋاقىت بويىنشا ساعات 09:00-دەن 13:00-گە دەيىن جۇرگىزىلەدى. وسىعان بايلانىستى اۋەجايعا تۇسكە دەيىن ۇشىپ كەلەتىن جانە ۇشاتىن بارلىق اۋە باعىتتارى كەيىنگە شەگەرىلەدى.
الماتى
الماتىدا قاتار وتىرعان كورشىلەردىڭ تاتۋلىعىن دارىپتەۋ ماقساتىندا «سالەم, كورشىلەر!» اتتى ءمادەني سەيىل ءوتتى. كۇندىزگى سەيىلگە شىققان كورشىلەر
ينتەراكتيۆتى ينستاللياتسيانى تاماشالاپ, ساۋلەت پلەنەرىنە قاتىسىپ, سپورت ويىندارىندا باق سىنادى.
قىزىلوردا وبلىسى
«باتىس ەۋروپا-باتىس قىتاي» ترانزيتتىك ءدالىزىنىڭ قىزىلوردا وبلىسىنداعى بولىگى 2021 جىلعا قاراي اقىلى تۇردە قىزمەت كورسەتەتىن بولادى. ول ءۇشىن تۇركىستان جانە اقتوبە وبلىستارىمەن شەكارالاس بولىگىنەن وتكىزۋ بەكەتتەرىن سالۋ جوسپارلانىپ وتىر. بۇگىندە كۇرەجولداعى كولىك اعىمى تاۋلىگىنە 9 مىڭعا جەتكەن.
اقتوبە وبلىسى
اقتوبەدە «انالارعا تاعزىم» رۋحاني ورتالىعى اشىلادى. بىرەگەي جوبا قازاق حالقىنىڭ ۇلى انالارىنىڭ ەرلىكتەرىن ناسيحاتتاۋ باعىتىندا قىزمەت ەتەدى. نىسان قۇرىلىسىنا مەتسەناتتار 350 ملن تەڭگە قارجىلاي كومەك كورسەتكەن. 150 شارشى مەترلىك ءۇش قاباتتى عيماراتتا ۇلتتىق ۇلگىدە جاسالعان مۋزەي, كورمە زالى مەن ۇيىرمەلەر ورنالاسادى.
جامبىل وبلىسى
وبلىس شارۋاشىلىقتارىنا ەتتى سيىرلاردىڭ العاشقى لەگى رەسەيدىڭ التاي وڭىرىنەن اكەلىندى. اتاپ ايتقاندا, 600 باس اقباس تۇقىمى مويىنقۇم اۋدانىنا جەتكىزىلدى. مۇنداعى شارۋا قوجالىعى بۇعان دەيىن 1 مىڭ 700 باس «قالماق» تۇقىمىن اكەلىپ جەرسىندىرگەن. الداعى ۋاقىتتا وسى ايماققا 36 مىڭداي اسىلتۇقىمدى ءىرى قارا مال ساتىپ الىنادى دەپ جوسپارلانىپ وتىر.
شىعىس قازاقستان وبلىسى
وسكەمەندە «التاي – تۇركى الەمىنىڭ التىن بەسىگى» اتتى حالىقارالىق عىلىمي-پراكتيكالىق كونفەرەنتسيا ءوتتى. اۋەلى قوناقتارعا «التىن ادام» دەگەن تاقىرىپپەن سوڭعى ارحەولوگيالىق قازبالاردىڭ ناتيجەلەرى تانىستىرىلىپ, شىعىستىڭ كيەلى ورىندارى تۋرالى كورمە ۇسىنىلدى.