استانادان اۋىلعا دەيىن…
استانا
ەلوردادا دەمالىس كۇندەرى قالا تۇرعىندارى مەن قوناقتارى «Red Bus» اۆتوبۋستارىمەن تەگىن ەكسكۋرسياعا قاتىسا الادى. ەكسكۋرسيا «AiLand» (وكەاناريۋم) كوڭىل كوتەرۋ ورتالىعىنان جانە قر ۇلتتىق مۇراجايىنان باستالادى.
الماتى
قالاداعى مۇگەدەكتەرگە ارنالعان تاكسي مەن اربالارعا 317 ملن تەڭگە ءبولىندى.
اتىراۋ وبلىسى
وبلىستا بيزنەستى قولداۋ اياسىندا 31 ينۆەستيتسيالىق جوبا جۇزەگە اسىرىلدى.
باتىس قازاقستان وبلىسى
ايماقتا 6 مىڭداي تۇرعىن ەمدەۋ نىساندارىنىڭ قىزمەتىن پايدالانۋ قۇقىعىنا يە بولدى. مەديتسينالىق ساقتاندىرۋ قورىنىڭ فيليالى 50 ەمدەۋ نىسانىمەن كەلىسىمشارت جاساسقان.
قىزىلوردا وبلىسى
سىردىڭ باس شاھارى – قىزىلوردانىڭ 200 جىلدىق مەرەيتويى كەڭ اۋقىمدا تويلاندى.
قاراعاندى وبلىسى
كەندى ولكەدە زاڭسىز ەسىرتكى اينالىمىنا بايلانىستى 441 ءىس قوزعالعان.
قوستاناي وبلىسى
وبلىستا زاڭ بۇزعان 422 نىسان مەن ءبىر كاسىپورىننىڭ جۇمىسى توقتاتىلدى.
شىعىس قازاقستان وبلىسى
زىريان اۋدانى مەن قالاسىنىڭ اتاۋى التاي بولىپ وزگەردى.
شىمكەنت
قالالىق ينفەكتسيالىق اۋرۋحاناسىندا 3 جاسار بالدىرعاننىڭ ءولىمىنەن كەيىن ەكى مەدبيكە جۇمىستان بوساتىلىپ, اۋرۋحانانىڭ 9 قىزمەتكەرى ءتارتىپتىك جاۋاپكەرشىلىككە تارتىلدى.
تۇركىستان وبلىسى
تۇركىستان قالاسىندا «كونە تۇركىستان – جاڭا ءمۇمكىندىكتەر» اتتى حالىقارالىق ينۆەستيتسيالىق جانە تۋريستىك فورۋم باستالدى. وعان رەسەي, وڭتۇستىك كورەيا, قىتاي, سينگاپۋر, مالايزيا, پاكىستان, وزبەكستان جانە ت.ب. ەۋروپا ەلدەرىنىڭ وكىلدەرى قاتىسۋدا.