باس قالادا «جاس ۇلان» رەسپۋبليكالىق قوعامدىق بىرلەستىگى «وتباسى – باقىت مەكەنى» جوباسى اياسىندا قالالىق «مەرەيلى وتباسى» بايقاۋىنىڭ جەڭىمپازى, 25 جىل تاتۋ-ءتاتتى, جۇپ جازباي عۇمىر كەشىپ كەلە جاتقان ەرەكەشوۆتەر اۋلەتىمەن كەزدەسۋ ۇيىمداستىردى.
كەزدەسۋگە مەكتەپ وقۋشىلارى, ستۋدەنتتەر, جاس وتباسىلار قاتىستى. جىلىلىققا تولى كەشتە اسىلجان مەن مانيرا ەرەكەشوۆتەر جاستارعا وتباسىنداعى تاتۋلىق تۋرالى ءسوز ءوربىتتى. بۇل ەكى كىسى مەديتسينا سالاسىندا ەڭبەك ەتەدى. وسىنداي كۇردەلى سالادا ەڭبەك ەتە ءجۇرىپ, ءۇش بالا تاربيەلەگەن. بۇگىندە ولاردىڭ ءبارى – جوعارى ءبىلىم العان بىلىكتى ازاماتتار.
سونداي-اق, اسەرگە تولى كەشكە «التىن داۋىس» بايقاۋىنىڭ جەڭىمپازى, تانىمال ديكتور, ەكى ۇلدىڭ اكەسى مۇحامەدالى بولاتۇلى جۇبايى ساۋلەمەن قاتىسىپ, وزدەرىنىڭ وتباسىلىق ومىرلەرى جايىندا جينالعاندارعا ايتىپ بەردى.
وسى جوبا اياسىندا ۇيىمداستىرىلعان «مەنىڭ وتباسىم – مەنىڭ ماقتانىشىم» اتتى بەينە بايقاۋىنىڭ قورىتىندىسى شىعارىلدى. 33 جۇپ قاتىسقان بايقاۋدا تەك ءبىر عانا وتباسى جەڭىمپاز دەپ تانىلدى. قازىلار القاسىنىڭ شەشىمىمەن ۇتىسقا قويىلعان قوماقتى قارجى امانوۆتار وتباسىنا بۇيىردى.
