استانا
استاناعا 36 ۆاگون كومىر جەتكىزىلدى. ونىڭ 15 ۆاگونى – شۇباركول, 13 ۆاگونى – قاراجار, ال قالعانى – مايكوبە كومىرى. بۇگىندە ەلوردادا كومىردىڭ جالپى قورى – 10972,58 توننا.
الماتى وبلىسى
رايىمبەك اۋدانىنا گوللانديادان اكەلىنگەن «سانتە» جانە «اگريا» كارتوپ تۇقىمدارىنىڭ ءار گەكتارىنان 300-500 تسەنتنەرگە دەيىن ءونىم جيناپ جاتىر.
ماڭعىستاۋ وبلىسى
اقتاۋدا العاش رەت اۋەجايدان قالاعا دەيىنگى باعىتتا ەلەكتروبۋستار جولعا شىقتى. جولاۋشىلار تاسىمالداۋعا ارنالعان, قورشاعان ورتاعا زيانسىز كولىك ەلەكتروندى بيلەت بەرۋ جۇيەسىمەن دە جابدىقتالعان. جولاۋشىلار ەندى جولاقىنى ىڭعايلى تاريفتەر ارقىلى بانكتىك جانە كولىكتىك كارتالارمەن تولەي الادى.
سولتۇستىك قازاقستان وبلىسى
تايىنشا اۋدانىندا بيوەتانول, كراحمال جانە جەلىمتىك وندىرەتىن زاۋىت iسكە قوسىلدى. جالپى ەلiمiز ءۇشىن ستراتەگيالىق ماڭىزعا يە
«Bio operations» ءوندiرiس وشاعىنىڭ ينۆەستيتسيا كولەمi – 11 ميلليارد تەڭگە. كاسiپورىن جىلىنا 300 مىڭ توننا بيداي وڭدەۋگە قاۋقارلى.
باتىس قازاقستان وبلىسى
ورالدا ەلوردانىڭ 20 جىلدىعىنا وراي «ارمان قالا – استانا!» اتتى اۋەسقوي كومپوزيتورلاردىڭ وبلىستىق ءان بايقاۋى ءوتتى. مادەنيەت قايراتكەرى, كوپتەگەن تۋىندىنىڭ اۆتورى, ورالدىق ادىلبەك سۇلەيمەنوۆ باس جۇلدەنى جەڭىپ الدى.
شىعىس قازاقستان وبلىسى
سەمەي قالاسىنىڭ شاكارىم اتىنداعى مەملەكەتتىك ۋنيۆەرسيتەتىندەگى «Shakarim Press» ۇيىمىنىڭ مۇشەلەرى «مەيىرىمدى جۇرەك» شاراسىن وتكىزدى. شارا بارىسىندا ولار تاعدىر تالكەگىنە تۇسكەن ادامدارعا قايىرىمدىلىق جاساپ, كۇيسىز جۇرگەن جاندارعا نان تاراتتى.
قىزىلوردا وبلىسى
قىزىلوردا قالاسىنىڭ 200 جىلدىق مەرەيتويى اياسىندا ارال اۋدانى اكىمدىگى قالالىق ساپارجاي الدىنداعى 2000 شارشى بولاتىن اللەياعا جاڭعىرتۋ جۇمىستارىن جۇرگىزىپ بەردى.
اقتوبە وبلىسى
اقتوبەدە كوشە ساۋداسىن دامىتۋ بويىنشا جاڭا جوبا قولعا الىندى. ەندى وسى جوبانىڭ ارقاسىندا جەرگىلىكتى تاۋار وندىرۋشىلەر ءوز ونىمدەرىن ەشبىر دەلدالسىز ساتا الادى. ونىڭ ىشىندە ەت, ءسۇت ونىمدەرى, كوكونىس, جەمىس-جيدەكتەر بار. ساۋدا ورىندارى 7 جىلعا دەيىن جالعا بەرىلەدى.
