استانا
ەلوردادا بۇگىن قازاقستان اۋىل ايەلدەرىنىڭ العاشقى فورۋمى باستالادى. وعان جەرگىلىكتى اتقارۋشى ورگاننىڭ, ءبىلىم بەرۋ جانە الەۋمەتتىك ۇيىمداردىڭ, ۇەۇ وكىلدەرى, اۋىل جانە اۋدان ورتالىقتارىنداعى كاسىپكەرلەر قاتىسادى.
الماتى
وڭتۇستىك مەگاپوليستە BRT جەلىسىنە جاڭا اۆتوبۋس-گارموشكالار شىقتى. قالادا جولاۋشىلار سانىنىڭ ارتۋىنا بايلانىستى وسى جەلىدە جاڭا №205 باعىت اشىلدى.
سولتۇستiك قازاقستان وبلىسى
استىقتى ايماقتا كۇزگi جيىن-تەرىم ناۋقانى اياقتالدى. بيىل وبلىس ەگىنشىلەرى قامباعا 5,3 ملن توننا بيداي قۇيدى, ورتاشا ونiمدiلiك گەكتارىنا 19 تسەنتنەردi قۇرادى. سونداي-اق كارتوپ پەن كوكونiستەن دە مول ءونىم جينالدى.
تالدىقورعان
الماتى وبلىسىنىڭ ورتالىعىندا 510 ورىندىق جاڭا دراما تەاترىنىڭ عيماراتى پايدالانۋعا بەرىلدى. ول قالادا باستالعان ورتا ازيا ەلدەرىنىڭ «قازاقستان – ەۋرازيا جۇرەگى» اتتى VII حالىقارالىق تەاتر فەستيۆالىمەن تۇسپا-تۇس كەلدى.
قوستاناي وبلىسى
وڭىردە تۇرعىن ءۇي قۇرىلىسىنىڭ كولەمى ەكى ەسەگە ارتتى. بيىل مۇندا «نۇرلى جەر» باعدارلاماسى بويىنشا 290,9 مىڭ شارشى مەتر تۇرعىن ءۇي سالىنعان. ەندى جىل سوڭىنا دەيىن تاعى 63,3 مىڭ شارشى مەتر ءۇي تاپسىرىلادى.
تۇركىستان
وبلىس ورتالىعىنداعى ناۋبايحانا كۇنىنە 50 مىڭ دانا نان شىعاراتىن قۋاتتىلىققا جەتتى. قازىر «ياسسى-نان» جشس ناننىڭ 40 ءتۇرىن, شۇجىق ءونىمىنىڭ 15 ءتۇرىن دايىندايدى.
اقتوبە وبلىسى
ويىل اۋدانىندا «اناعا تاعزىم» اتتى فورۋم ءوتتى. وعان كورشىلەس اتىراۋ جانە باتىس قازاقستان وبلىستارىنان, سونداي-اق جەرگىلىكتى اۋدانداردان ارنايى دەلەگاتتار قاتىستى. شارا اياسىندا اياۋلى انالارعا قۇرمەت كورسەتىلىپ, مەرەكەلىك داستارقان جايىلدى.
قىزىلوردا وبلىسى
بەلگىلى بوكسشى مارينا ۆولنوۆا «قازالى اۋدانىنىڭ قۇرمەتتى ازاماتى» اتاندى. وعان بۇل اتاقتى اۋدان اكىمى مۇرات ەرگەشباەۆ تاپسىردى. ال سپورتشى ءالى دە ەل سەنىمىنەن شىعا بەرەتىنىن جەتكىزدى.
شىعىس قازاقستان وبلىسى
شىعىس قازاقستان وبلىسىندا «مەن قازاقشا سويلەيمىن» اتتى شارا رەسپۋبليكادا ءبىرىنشى بولىپ باستالدى. ول بورودۋليحا اۋدانىندا قانات جايدى.
