تاۋەلسىزدىكتىڭ 25 جىلدىعىنا وراي ۇيىمداستىرىلعان ىزگىلىكتى ىسكە قازاقستان حالقى اسسامبلەياسى ۇيىتقى بولىپ وتىر. ءبىلىم, دەنساۋلىق, الەۋمەتتىك جانە زاڭ سالاسىنىڭ بىلىكتى ماماندارى مىنگەن پويىز العاشقى كۇنى قاراعاندىعا بارادى. وندا ءۇش كۇن ايالداپ, ءارى قاراي سەمەي, پاۆلودار, ەكىباستۇز, ەرمەنتاۋ, كوكشەتاۋ, پەتروپاۆل, قوستاناي, باسقا دا قالالار مەن اۋىلداردى ارالاپ, تۇرعىندارعا جوعارى مامانداندىرىلعان قىزمەت كورسەتىپ, تەگىن كەڭەستەر بەرەدى.
«تاۋەلسىز قازاقستان» پويىزىنىڭ سوڭعى مەجەسى – 14 جەلتوقسان كۇنى الماتىعا كەلىپ توقتايدى.
پويىزدا جاساقتالعان توپتىڭ قۇرامىندا سونداي-اق, قازاقستان حالقى اسسامبلەياسىنان سايلانعان دەپۋتاتتار دا بار. ولار ءاربىر توقتاعان ستانسادا قوعامدىق قابىلداۋلار ۇيىمداستىرادى. بۇعان قوسا, مينيسترلىكتەر, ۇلتتىق كاسىپكەرلەر پالاتاسى, «قازاگرو» وكىلدەرىنەن تۇراتىن 70-تەن استام ماماندار دا حالىقتىڭ كوكەيىندەگى ساۋالدارعا جاۋاپ بەرەتىن بولادى.
