استانا قالاسىندا ەلەكتروندىق اكىمدىك اياسىندا جۇمىس ىستەيتىن تاعى ءبىر جاڭا جوبا بار. ول «بايلانىس ورتالىعى» دەپ اتالادى.
ەگەر ەلەكتروندى پورتالدىڭ قىزمەتىنىڭ ساپاسىنا بايلانىستى نەمەسە قانداي دا ءبىر قىزمەت ءتۇرىن الا الماي جاتساڭىز, وندا وسى «بايلانىس-ورتالىعىنا», ياعني, 55-66-55 تەلەفونىنا قوڭىراۋ شالۋىڭىزعا بولادى. بۇل ورتالىقتى قۇرۋدىڭ ماقساتى – ەلوردا اكىمدىگىنىڭ قۇزىرەتىندەگى ماسەلەلەر جونىندە تۇرعىندارعا جەدەل تۇردە اقپارات بەرۋ, كەلىپ تۇسكەن ارىز-شاعىمداردى ءتيىستى مەكەمەگە جەتكىزۋ, ازاماتتاردىڭ ۇندەۋلەرىنە جەدەل جاۋاپ قايتارۋ ارقىلى بيلىك پەن حالىق اراسىن جاقىنداتۋ. ءارى اكىمدىك قىزمەتىنىڭ اشىقتىعىن قامتاماسىز ەتۋ.
«بايلانىس-ورتالىعى» اپتانىڭ دۇيسەنبى كۇننەن جۇماعا دەيىن ساعات 9:00-دەن 20:00-گە دەيىن, سەنبى كۇنى ساعات 11:00-دەن 15:00-گە دەيىن جۇمىس ىستەيدى. ال جەكسەنبى جانە مەرەكە كۇندەرى تەلەفونعا سوعىلعان قوڭىراۋلار تاۋلىك بويى اۆتوماتتى رەجيمدە جازىلىپ قالادى. ولاردىڭ ەشقايسىسى جاۋاپسىز قالمايدى دەيدى ماماندار.
ەندەشە, قانداي دا ءبىر تالاپ-تىلەكتەرىڭىز بولسا, +7 (7172) 55-66-55, تەلەفونىنا نەمەسە support@astana.kz سايتىنا حابارلاسۋىڭىزعا بولادى.
قىمبات توقتامۇرات
