قىزمەت اياسى كەڭەيە ءتۇستى

الەمدىك وركەنيەتكە جەتۋدىڭ ءبىر جولى – اقپاراتتىق تەحنولوگيانىڭ اعىمىنان قالماي ىلەسىپ وتىرۋ. دامىعان مەملەكەتتەردە قاعازباستىلىق ۇعىمى جوق.

ونداعى قىزمەتتەردىڭ بار­لىعى دەرلىك ەلەكتروندىق جۇيەگە كوشكەن. ەلوردادا قولعا الىنعان ەلەكتروندى اكىمدىك جوباسى دا ۋاقىتتى ۇنەمدەۋدىڭ, قاعازباستىلىقتان قۇتىلۋدىڭ جانە مەملەكەتتىك قىزمەتتەر دەڭگەيىن باعالاۋدىڭ ءتيىمدى ءتاسىلى.
ە-اكىمدىك جوباسى ىسكە قو­سىلعالى قالا تۇرعىندارى قاجەتتى مالىمەتتەردى دەر كەزىندە الىپ, ۋاقىتىن الدەقايدا ۇنەمدەگەنى انىق. ەلوردا اكىمدىگى بيىلعى قاڭتار ايىنان قىركۇيەككە دەيىن 1 255 197 مەملەكەتتىك قىزمەت كورسەتسە, ونىڭ 34 369-ى حالىققا قىزمەت كورسەتۋ ورتالىقتارى ارقىلى, ال, 22500-ءى ەلەكتروندى نۇسقادا كورسەتىلگەن.
وسى جىلدان باستاپ مەم­لەكەتتىك قىزمەتتەردىڭ تىزىلىمىنە وزگەرىستەر مەن تولىقتىرۋلار ەنگىزىلگەنى بەلگىلى. بۇل تىزىمگە 647 مەملەكەتتىك قىزمەت كىرگەن. سونىڭ 118-ءى – جەرگىلىكتى اكىمدىكتىڭ ەنشىسىندە.
بۇگىندە استانا قالاسى بويىنشا 19 مەملەكەتتىك قىزمەت ەلەكتروندى نۇسقاعا كوشكەن. ولاردىڭ بارلىعى دا تۇرعىندارعا اسا قاجەتتى, جوعارى سۇرانىسقا يە.
بىلتىر «ەلەكتروندى ۇكىمەتتىڭ» ۆەب-پورتالى ارقىلى 1 258 حابارلاما كەلىپ تۇسسە, ۆەدومستۆولىق پورتالعا ءوتىنىش جىبەرگەن تۇرعىندار سانى – 7 839.

قىمبات توقتامۇرات