باسكەتبول ماۋسىمىن اياقتادى
«استانا» باسكەتبول كلۋبى ۆتب بىرىڭعاي ليگاسىنىڭ قورىتىندى ويىنىندا ساراتوۆتىڭ «اۆتودورىن» قابىلداپ, 75:92 ەسەبىمەن ۇتىلدى.
ەلوردالىق كوماندا جەڭىسكە جەتكەن جاعدايدا پلەي-وفف سەرياسىنا ءوتۋ مۇمكىندىگى ساقتالار ەدى. بىراق «اۆتودوردىڭ» الاڭ يەلەرىنە قاراعاندا اسىعى الشىسىنان ءتۇسىپ, 5-ورىنعا نىقتاپ ورنىقتى.
باس-اياعى ءتورت كەزەڭنىڭ ۇشەۋىندە قوناقتار باسىمدىق تانىتتى. الايدا «استانا» سوڭعى كەزەڭگە دەيىن قارسىلاسىن الىسقا ۇزاتپاي, باسىپ وزۋعا بولاتىنداي ويىن كورسەتتى. ۇلكەن ۇزىلىستە تابلو رەسەيلىك كوماندانىڭ پايداسىنا 41:39 ەسەبىن كورسەتىپ تۇردى. ماتچتىڭ قالعان بولىگىندە استانالىقتاردىڭ ايلاسى تاۋسىلىپ, قوناقتار ءبارىبىر «ءتوردى» بەرمەدى.
وسىلايشا «استانا» ۆتب ليگاسىنداعى جورىعىن اياقتادى. ياعني, باسكەتبول ماۋسىمى دا ءتامام بولدى.
بەكساتتار ساتتار