بۇگىن – ءبىلىم كۇنى! قوڭىر كۇزدىڭ العاشقى كۇنىمەن قاتار كەلەتىن بۇل ءسات بارشا قاۋىم ءۇشىن بۇكىلحالىقتىق مەرەكەگە اينالعانى قاشان. جاز بويى ويىن قىزىعىنا باتقان بالعىندار, بالاسىنىڭ ءبىلىم الۋىنا بارىنشا جاعداي جاساعان اتا-انا, ۇيرەتۋدەن جالىقپايتىن ۇستازدار دا ءدال بۇگىن التىن ۇياعا اسىعىپ, العاشقى قوڭىراۋ ۇنىمەن مەكتەپكە قادام جاسايدى.
بيىل جاڭا وقۋ جىلىندا استانادا 18 مىڭ وقۋشى ءبىرىنشى سىنىپقا بارىپ, ءبىلىم تەڭىزىنە قايىق سالادى. ال جالپى 155 مىڭعا جۋىق بالا العاشقى قوڭىراۋ سالتاناتىنا قاتىسادى.
استانادا جاڭا وقۋ جىلىندا 4 مىڭعا جۋىق مۇقتاج وقۋشىلارعا كومەك كورسەتىلدى.
«مەكتەپكە جول» قايىرىمدىلىق شاراسى اياسىندا قالالىق ءبىلىم بەرۋ باسقارماسى اۋدان اكىمدىكتەرىمەن بىرىگىپ, 3797 بالانى مەكتەپكە قاجەتتى كيىم-كەشەك پەن وقۋ قۇرالدارمەن قامتاماسىز ەتتى.
ۇزدىك ۇستازدارعا – جوعارى جالاقى
– جاڭا قارجىلاندىرۋ جۇيەسى ارقاسىندا مۇعالىمدەردىڭ لاۋازىمدىق جالاقىسىن كوتەرۋگە مۇمكىندىك بار. تالداۋ جۇمىستارىنا سايكەس, قارجىنى ءتيىمدى جۇمساۋدىڭ ناتيجەسىندە ءار مەكتەپ بيۋدجەتتىڭ 20 پايىزىن ۇنەمدەپ, ەسەسىنە مۇعالىمدەردىڭ جالاقىسىن كوبەيتە الادى. ماسەلەن, بىلتىر وقىتۋشىلاردىڭ جالاقىسى 100-110 مىڭ تەڭگە شاماسىندا بولسا, بيىل جاڭارتىلعان ءبىلىم مازمۇنى ءۇشىن بەرىلەتىن ۇستەماقى مەن جان باسىنا قاراي قارجىلاندىرۋ جۇيەسىمەن بىرگە ورتاشا جالاقى 150 مىڭ تەڭگەدەن اسۋى ابدەن مۇمكىن.
سەگىزىنشى مەكتەپ جابىق
بىلتىر جاڭا وقۋ جىلى قارساڭىندا قالاداعى №8 مەكتەپ جابىلىپ, ونداعى 1500-گە جۋىق وقۋشى باسقا مەكتەپتەرگە ورنالاستىرىلعان بولاتىن. وسىلايشا وقۋشىلار №4, 16, 56 مەكتەپتەردە ءبىلىم الۋىن جالعاستىرادى دەگەن ەدى سالا باسشىلارى. ءبىر جىلداي ۋاقىت وتسە دە, بۇل ماسەلە ءالى ءوز شەشىمىن تاپقان جوق.
استانادا ورنالاسقان №8 ورتا مەكتەپ سوناۋ 2009 جىلدا اپاتتى دەپ تانىلعان ەكەن. بىراق بىلتىرعا دەيىن بۇل ءبىلىم ورداسىندا ساباقتار جالعاسىپ كەلە جاتتى. بۇل ماسەلە ءماجىلىس دەپۋتاتتارىنىڭ قۇلاعىنا جەتكەننەن كەيىن مەكتەپتى جابۋ تۋرالى شەشىم قابىلداندى. سونداي-اق, ءبىلىم وشاعىندا 600 بالانىڭ ورنىندا 1500-گە جۋىق وقۋشى وتىردى.
باسقارمانىڭ ماماندارى تاراتقان مالىمەتكە سەنسەك, بيىل دا №8 ورتا مەكتەبىنىڭ ەسىگى جابىق. سول سەبەپتى وقۋشىلار №16 جانە №56 مەكتەپتەردە وقيتىن بولدى. باسىندا كۇردەلى جوندەۋ جۇمىستارى جوسپارلانعانىمەن, كەيىن قايتا قۇرىلىس جۇرگىزۋ قاجەتتىلىگى انىقتالدى. ءتيىستى كوميسسيانىڭ ساراپتاماسىنان كەيىن بۇل مەكتەپتىڭ تاعدىرى بەلگىلى بولماق. ازىرگە قابىرعاسى قۇلاعالى تۇرعان №8 مەكتەپتىڭ 1-4-سىنىپ وقۋشىلارى №16 مەكتەپتە, ال 5-11-سىنىپ وقۋشىلارى №56 ءبىلىم ورداسىندا وقيتىن بولدى. ولار ءۇشىن ارنايى اۆتوبۋس بولىنگەن كورىنەدى.
بەس جىلعا جوسپار
2018-2022 جىلدارى 24 مەكتەپ پەن 10 قوسىمشا
جاناما عيماراتتىڭ قۇرىلىسى جوسپارلانۋدا
تالاپ پەن ءتارتىپ
– مەكتەپ تابالدىرىعىن العاش اتتاعالى وتىرعان بۇلدىرشىندەر مەن ولاردىڭ اتا-انالارىنا قانداي كەڭەس بەرەسىز؟
– اتا-انا دا بالاسىمەن بىرگە مەكتەپكە بەيىمدەلۋ كەزەڭىنەن وتەدى. بالا ءۇشىن اسا ماڭىزدى شاقتا اكە-شەشە جان-جاقتى قولداۋ كورسەتۋى ءتيىس. سەبەبى وقۋشىعا بارلىق نارسە – جاڭالىق, دەمەك سۇراق تا كوپ.
– قازىر اتا-انالار ءوز بالالارىنا شاڭ جۋىتپايدى دەگەن پىكىر بار. ءسىزدىڭ ويىڭىزشا, اتا-انا بالاسى مەن مۇعالىمنىڭ اراقاتىناسىنا ارالاسۋى كەرەك پە؟
– بۇل تۇرعىدا جاقسى قارىم-قاتىناس اتا-انا, بالا جانە مۇعالىمنىڭ بىرلەسىپ ارەكەت ەتۋى ارقىلى ورناتىلادى.
– ءسىز ءۇشىن ماڭىزدىسى: ءتارتىپ نەمەسە وقۋ ۇلگەرىمى؟
– تالاپ پەن ءتارتىپ بولماعان جەردە بەلگىلى ءبىر ناتيجەگە جەتۋ قيىن دەپ ەسەپتەيمىن.
– ۇزدىك ءبىلىم بەرۋ قىزمەتكەرى اتانۋ ءۇشىن قانداي بولۋ شارت؟
– ساننان ساپاعا ساپار شەگۋ جولىنداعى مۇعالىمنىڭ جاڭا عاسىرعا بەرەر جاۋابى دايىن بولۋ كەرەك. تالابى كۇشتى قوعامنىڭ اعىسى قاتتى. ال سول اعىسقا قارسى شاكىرتتى دايىنداۋ تاعى دا مۇعالىمنىڭ ەڭبەگى.
– ءسىزدىڭ نۇسقاۋلىعىڭىز بويىنشا ماماندىق تاڭداعاندار بولدى ما؟
– قابىلەتى مەن كاسىپتىك قىزىعۋشىلىعىنا قاراي وقۋشىلارىم دارىندى بالالار مەكتەپتەرىندە ءدارىس الۋدا. ەكى وقۋشىم ءوزىم باعىتتاعان ماماندىق يەسى بولۋعا يكەمدەلىپ, نازارباەۆ ۋنيۆەرسيتەتىنىڭ ستۋدەنتى اتاندى.
ءبىلىم بەرۋ سالاسىندا قانداي وزگەرىستەردى بايقادىڭىز؟
اقەركە سەيتماتوۆا, اتا-انا:
– مەن ەكى بالانىڭ اناسىمىن. بالالارىم №65 مەكتەپتە 2 جانە 3-سىنىپتا وقيدى. مۇعالىمدەردىڭ جۇمىسىنا ريزامىن. بالالارىما ەكىنشى انا بولىپ, ءتارتىپ پەن تاربيەنى قاتار بەرىپ جاتىر.
اقشا جيناۋ ماسەلەسى مۇلدەم جوق دەسەم بولادى. اتا-انالارمەن بىرىگىپ, ءوز ەركىمىزبەن بالالارىمىزدىڭ تۋعان كۇنىنە, قىدىرۋىنا جينايمىز. ال بىلايشا مەكتەپ اكىمشىلىگىنە تيىن-تەبەن بەرمەيمىز. وسىنى استانالىق ءبىلىم سالاسىنىڭ جەتىستىگى دەر ەم.
باقشاگۇل بالعابايقىزى, اتا-انا:
– ءبىزدىڭ مەكتەپ 700 ورىنعا ارنالعان. الايدا ءبىلىم ورداسىندا 1700 بالا وقۋ وقيدى. سىنىپتا 25 بالا وتىرادى. بالالار كوپ, مەكتەپ سانى از. №57 ورتا مەكتەپتىڭ باسشىلىعى قاسىنا قوسىمشا جاناما قۇرىلىس سالىنادى دەپ ۋادە بەردى. كوپ بالالى اتا-انا رەتىندە ەلوردادا مەكتەپ كوبىرەك سالىنسا دەگەن تىلەك بار.
قارجى وقۋشىلار سانىنا قاراي بولىنەدى
بيىلدان باستاپ استانا مەكتەپتەرى جان باسىنا قارجىلاندىرۋ جۇيەسىنە كوشەدى. جاڭا جۇيە قالاداعى 79 مەملەكەتتىك جانە 8 جەكەمەنشىك مەكتەپكە ەنگىزىلەتىن بولادى. دەمەك, قارجى ءبىلىم ورداسىندا وقىپ جاتقان وقۋشىلاردىڭ سانىنا قاراي بولىنەدى. بۇل تەك مەملەكەتتىك ەمەس, جەكەمەنشىك مەكتەپتەرگە دە قاتىستى. جىلىنا باستاۋىش سىنىپتارداعى ءار وقۋشىعا – 160 مىڭ تەڭگە, جوعارى سىنىپ وقۋشىلارىنا 200 مىڭ تەڭگە بەرىلمەك.
ءۇش اۋىسىمدى مەكتەپتەر بولمايدى
– ەلوردادا ءبىلىم وردالارىنىڭ قۇرىلىسى قارقىندى ءجۇرىپ جاتىر. بيىل 7 مىڭعا شاقتالعان 6 مەكتەپتىڭ عيماراتى پايدالانۋعا بەرىلەدى. ال 2019 جىلى تاعى 5 مەكتەپ پەن 6 مەكتەپتىڭ جانىنان قوسىمشا عيمارات تۇرعىزىلادى. بۇگىندە ۇكىمەتپەن 24 مەكتەپتىڭ جانە 10 قوسىمشا عيماراتتىڭ قۇرىلىسى بويىنشا كەلىسسوزدەر جۇرگىزىلۋدە. الداعى 4 جىلدا مەكتەپتەرگە تۇسەتىن جۇكتەمەنى ازايتىپ, ءۇش اۋىسىمدى مەكتەپتەردى تۇبەگەيلى جويعىمىز كەلەدى.
