«قازاقستاندا تۇڭعىش رەت حيميالىق كاستراتسيا جاسالاتىن بولادى» دەدى قر دەنساۋلىق ساقتاۋ ۆيتسە-ءمينيسترى ءلاززات اقتاەۆا بۇگىن ۇكىمەتتە وتكەن بريفينگتە.
«بيىلعى 1 قاڭتاردا دەنساۋلىق ساقتاۋ مينيسترلىگىنىڭ حيميالىق كاستراتسيا جاساۋ ءتارتىبى تۋرالى بۇيرىق كۇشىنە ەندى. سوتتىڭ شەشىمىنە سايكەس, ەندى حيميالىق كاستراتسيا جاساۋعا رۇقسات بەرىلدى. رەسپۋبليكالىق بيۋدجەتتەن قاراجات قاراستىرىلدى. بۇگىندە سوتتىڭ شەشىمى نەگىزىندە حيميالىق كاستراتسيا جاساۋ بويىنشا ءبىر ءوتىنىش ءتۇستى», – دەدى ول.
بىراق ۆيتسە-مينيستر ءوتىنىشتىڭ ناقتى قالاي قالادان تۇسكەنىن ناقتىلامادى. اقتاەۆانىڭ ايتۋىنشا, ەلىمىزدە حيميالىق كاستراتسيا جاساۋعا 9 ميلليون تەڭگەدەن اسا اقشا بولىنگەن كورىنەدى.
دەرەككوز: Tengrinews.kz
