سەرىك بوپەجانوۆ, استانا قالاسىنداعى بالالار پسيحونەۆرولوگيالىق مەديتسينالىق-الەۋمەتتىك مەكەمەسىنىڭ باسشىسى
– سالەمەتسىز بە, سەرىك ەلەمەسۇلى؟! ءبىزدىڭ بىلۋىمىزشە, سىزدەردىڭ مەكەمەلەرىڭىزدە كۇندىزگى جانە ستاتسيونار بولىمدەر جۇمىس ىستەيدى ەكەن. بۇلار قاي جىلدارى اشىلدى جانە كۇندىزگى ءبولىمنىڭ ستاتسيونار بولىمىنەن ايىرماشىلىعى قانداي؟
– ءيا, ءبىزدىڭ بالالار پسيحونەۆرولوگيالىق مەديتسينالىق-الەۋمەتتىك مەكەمەسىندە ەكى ءبولىم بار. ولار – الگىندە ءوزىڭىز ايتىپ وتكەندەي, كۇندىزگى جانە ستاتسيونار بولىمدەر. ستاتسيونار ءبولىمى مەكەمە اشىلعاننان بەرى جۇمىس جاساسا, كۇندىزگى ءبولىم 2006 جىلى اشىلعان بولاتىن. كۇندىزگى ءبولىمدى اشۋداعى باستى ماقسات اتا-اناسى بار, وتباسىمەن بىرگە تۇراتىن مۇمكىندىگى شەكتەۋلى بالالاردىڭ كەشكە دەيىنگى ۋاقىتىن وسىندا وتكىزۋىنە مۇمكىندىك تۋدىرۋ ەدى. ياعني, بىلايشا ايتقاندا, ءبىزدىڭ مەكەمە مۇمكىندىگى شەكتەۋلى بالالارعا ارنالعان بالاباقشا ىسپەتتەس. ولار ءبىزدىڭ مەكەمەدە ارنايى الەۋمەتتىك قىزمەت الىپ, كەشكىسىن اتا-انالارىنا ورالادى. بۇل, ءبىر جاعىنان, بالانىڭ دامۋىنا سەپتىگىن تيگىزسە, ەكىنشى جاعىنان, اتا-انالارىنىڭ جۇمىس ۋاقىتىن ۇنەمدەۋىنە دە ۇلكەن كومەك.
– جارتىلاي ستاتسيونارلىق ۇلگىدەگى مەكەمەنىڭ نەگىزگى مىندەتتەرى مەن قىزمەتتەرى قانداي؟
– جارتىلاي ستاتسيونارلىق ۇلگiدەگi ۇيىمنىڭ نەگiزگi مiندەتتەرiنە كەلسەك, ول, ەڭ الدىمەن, وسى ستاندارتتا بەلگiلەنگەن كولەمدەرگە سايكەس ارناۋلى الەۋمەتتiك قىزمەت كورسەتەدى. سونداي-اق, قىزمەت الۋشىلاردىڭ جەكە قاجەتتiلiكتەرiن ەسكەرە وتىرىپ, ولاردىڭ جەكە دامۋ دەڭگەيiن ارتتىرۋعا, الەۋمەتتەندiرۋگە جانە كiرiكتiرۋگە باعدارلانعان ارناۋلى الەۋمەتتiك قىزمەتتiڭ ساپاسى مەن تيiمدiلiگiنە ۇدايى نازاردا ۇستاۋ دا ءبىزدىڭ مەكەمەنىڭ نەگىزگى مىندەتتەرى بولىپ ەسەپتەلەدى.
جارتىلاي ستاتسيونارلىق ۇلگiدەگi ۇيىمدا, بىرىنشىدەن, قىزمەت الۋشىلاردى قابىلداعاسىن, ولاردىڭ سىرقاتىن, حال-احۋالىنىڭ اۋىرلىعىن, جاسىن ەسكەرە وتىرىپ ورنالاستىرادى, ولاردى جاڭا جاعدايعا بەيiمدەۋ جونiندە iس-شارالار وتكiزەدى, ەكىنشىدەن, قىزمەت الۋشىلاردىڭ جەكە باسىنا قول سۇعىلماۋشىلىق پەن قاۋiپسiزدiگiن قامتاماسىز ەتەدى. ودان بولەك, قولايلى مورالدىق- پسيحولوگيالىق جاعداي جاساۋ, قىزمەت الۋشىلارعا وسى ستاندارتقا سايكەس ساۋىقتىرۋ جانە الەۋمەتتiك وڭالتۋ ەم-شارالارىن ۇسىنۋ ارقىلى جان-جاقتى كومەك كورسەتۋ دە – مەكەمەنىڭ نەگىزگى فۋنكتسيالارىنىڭ ءبىرى. سونىمەن بىرگە, مۇگەدەكتەرگە الەۋمەتتiك, مەديتسينالىق جانە كاسiپتiك وڭالتۋ جۇرگiزىلەدى, قىزمەت الۋشىلار مەن ولاردىڭ وتباسى مۇشەلەرi الەۋمەتتiك قىزمەت كورسەتۋدiڭ كولەمi مەن تۇرلەرi, iشكi ءتارتiپ ەرەجەسi تۋرالى حاباردار ەتىلەدى. ونىڭ سىرتىندا ەڭبەكتi ۇيىمداستىرۋدى جاقسارتۋ, پەرسونالدىڭ بiلiكتiلiگiن ارتتىرۋ جانە قارجى-شارۋاشىلىق قىزمەتiن ساۋاتتى جۇرگىزۋ سياقتى كۇندەلىكتى اعىمداعى جۇمىستارى جەتىپ ارتىلادى.
– مەكەمەلەرىڭىزدىڭ كوپتەن بەرى قىزمەت جاساپ كەلە جاتقانىنان حاباردارمىز. ءبىز وسى مەكەمەنىڭ قىزمەتىن پايدالاناتىن اتا-انالار اتىنان حابارلاسىپ تۇرمىز. ۇجىمدارىڭىزعا شىنايى قامقورلىقتارىڭىز بەن مەيىرىمدىلىكتەرىڭىز ءۇشىن شەكسىز العىسىمىزدى بىلدىرەمىز. ەستۋىمىزشە, 2016 جىلى سىزدەر 35 جىلدىق مەرەيتويلارىڭىزدى اتاپ وتپەكشىسىزدەر. جىل سايىن سىزدەردەن ەمدەۋ, ورتاعا بەيىمدەۋ كۋرسىنان ءوتىپ, وتباسىنا ورالعان بالالاردىڭ دامۋىندا ىلگەرىلەۋشىلىك بايقالا ما؟
– ارينە, ءبىزدىڭ جۇمىسىمىزدىڭ ناتيجەسى بايقالادى, سەبەبى ۇجىمىمىزدا ءوز كاسىبىنىڭ وي-قىرىن بەس ساۋساعىنداي بىلەتىن ماماندار ەڭبەك ەتەدى.
بۇگىنگە دەيىن اتقارىلعان جۇمىستاردى ءبىر-ەكى اۋىز سوزبەن تۇيىندەۋ مۇمكىن ەمەس, تىپتەن سوڭعى ءۇش جىلدى الاتىن بولساق, تاربيەلەنۋشىلەرىمىزدىڭ وقۋ ۇلگەرىمى دە, سپورتتىق كورسەتكىشتەرى دە جوعارى ەكەندىگىن اڭعارۋعا بولادى.
بيىل ءبىزدىڭ تاربيەلەنۋشىلەرىمىز كورەيادا ۇيىمداستىرىلعان ارنايى وليمپيالىق ويىندارعا قاتىسىپ, جۇلدەلى ورىنداردى جەڭىپ السا, 2011 جىلى گرەكيادا مەدال تاعىنىپ قايتتى.
وقۋ ۇلگەرىمىنە كەلەتىن بولساق, ارىپتەردى ايتا المايتىن تاربيەلەنۋشىلەرىمىز قازىرگى ۋاقىتتا حات تانىپ, سوزدەردىڭ باسىن قوسىپ ايتاتىنداي دەڭگەيگە جەتتى. وزدەرىنىڭ سوزدىك قورلارىن مولايتۋدا. ساناۋدى ۇيرەنىپ, تۇستەردى اجىراتا الادى, ەڭ قىزىعى, ساباق بارىسىندا ءبىر-بىرلەرىنە جانە تاربيەشىگە كومەكتەسۋگە تىرىسادى.
سونىمەن قاتار, تاربيەلەنۋشى بالالار مادەني-دەمالىس شارالارىنا ۇدايى قاتىسادى, كونتسەرتتەرگە بارىپ تۇرادى. ءتۇرلى كورمەلەردە قولتۋما بۇيىمدارىن, سۋرەتتەرى مەن كەستەلەرىن دە كورسەتەدى.
– مەن – ءبىرجان ەسىموۆپىن. مىنانى بىلگىم كەلەدى: سىزدەردە تاربيەلەنۋشىلەردىڭ دامۋىنا ۇلكەن سەپتىگىن تيگىزەتىن قانداي ماماندار قىزمەت ىستەيدى؟
– ءبىرجان, جوعارىدا ايتقانىمداي, تاربيەلەنۋشىلەرمەن بايلانىس جاسايتىن الەۋمەتتىك جۇمىس جونىندەگى مامانداردان وزگە تىكەلەي قارىم-قاتىناس
جاسايتىن ماماندار – تاربيەشىلەر. سونىمەن قاتار, دەفەكتولوگ مۇعالىم, لوگوپەد, پسيحولوگ, ماسساجشى, ءان-كۇي, دەنە شىنىقتىرۋ, ەڭبەك مۇعالىمدەرى تاربيەلەنۋشىلەردىڭ دامۋى جانە جەتىلۋ جولىندا جۇمىس اتقارىپ ءجۇر.
– قايىرلى كۇن, سەرىك ەلەمەسۇلى! سىزدەردىڭ مەكەمەلەرىڭىز قاي جىلدان باستاپ جۇمىس ىستەپ كەلەدى جانە قاي جاس ارالىعىنداعى تاربيەلەنۋشىلەردى قامتيدى؟
– ءبىزدىڭ مەكەمە 1981 جىلدان بەرى ابىرويلى قىزمەت جاساپ كەلەدى. ءۇش جاس پەن ون سەگىز جاس ارالىعىنداعى مۇمكىندىگى شەكتەۋلى بالالارعا ارنايى الەۋمەتتىك قىزمەت كورسەتۋگە ارنالعان مەكەمە.
تاستاندى نەمەسە جەتىم بالا بولسا, 18 جاستان كەيىن اقكولدە ورنالاسقان ەرەسەكتەرگە ارنالعان پسيحونەۆرولوگيالىق مەديتسينالىق-الەۋمەتتىك مەكەمەگە ورنالاستىرىلادى. ال اتا-اناسىمەن بايلانىسى ۇزىلمەگەن بالالاردى وتباسىنا قايتا ورالتۋمەن الەۋمەتتىك جۇمىس جونىندەگى ماماندار اينالىسادى.
– جارتىلاي ستاتسيونار بولىمىندە تاربيەلەنۋشىلەرگە ارنايى الەۋمەتتىك كومەك جانە ولاردىڭ فۋنكتسيونالدىق دامۋىنىڭ جەكە جوسپارى دايىندالعاندا جەكە باستىڭ قاجەتتىلىكتەرى ەسكەرىلە مە؟
– ارناۋلى الەۋمەتتiك قىزمەتتiڭ قاجەتتiلiگiن, الەۋمەتتiك قىزمەتكەرلەر, دارiگەرلەر, پەداگوگتار ايقىندايدى.
ياعني, قىزمەت الۋشىنىڭ قاجەتتiلiگiن باعالاۋ نەگiزiندە ءارى مۇگەدەكتi وڭالتۋدىڭ جەكە باعدارلاماسىن ەسكەرە وتىرىپ, ۇزاق مەرزىمدى جارتىلاي ستاتسيونارلىق ۇلگiدەگi ۇيىمعا جىبەرىلگەن قىزمەت الۋشىعا بiر جىلدان اسپايتىن مەرزiمگە, ال ۋاقىتشا بولۋعا ارنالعان جارتىلاي ستاتسيونارلىق ۇلگiدەگi ۇيىمنان قىزمەت الۋشىعا مەجەلى مەرزiمگە لايىقتاپ جەكە جوسپارلار ازiرلەيدi.
قىزمەت الۋشىلاردىڭ جەكە جوسپارلارىن ستاتسيونارعا تۇسكەن كۇننەن باستاپ ماماندار حال-احۋالىن تەكسەرگەننەن كەيىن ون جۇمىس كۇن iشiندە نەمەسە الدىڭعى جەكە جوسپارىنىڭ قولدانىس مەرزiمi اياقتالعان جاعدايدا ءۇش جۇمىس كۇنi iشiندە ازىرلەيدى جانە ونى جارتىلاي ستاتسيونارلىق ۇلگىدەگى ۇيىم باسشىسى بەكiتەدi.
ال, جارتىلاي ستاتسيونارلىق ۇلگiدەگi ۇيىمدا قىرىق ەكi كۇننەن ارتىق بولمايتىن قىزمەت الۋشىلاردىڭ جەكە جوسپارلارى ەم-شاراعا تۇسكەن كۇننەن باستاپ ەكi جۇمىس كۇنى iشiندە ازiرلەنەدi, كەيiنگi بiر جۇمىس كۇنi iشiندە تولتىرىلىپ, ۇيىم باسشىسىمەن بەكiتىلەدi.
گۇلبارشىن وكەشقىزى
