ەرلەر حورىنىڭ كونتسەرتى
تامىزدىڭ 27 جانە 29 كۇندەرى استانا مەن الماتى تۇرعىندارى كورەيلىك تانىمال «I MAESTRI» ەرلەر حورىنىڭ بىرەگەي كونتسەرتىن تاماشالاي الادى. اتالعان مادەني شارا كورەيا رەسپۋبليكاسى مەن قازاقستاننىڭ اراسىندا ديپلوماتيالىق قارىم-قاتىناس ورناعان مەزەتتەن بەرگى كورەي ۇكىمەتى ۇيىمداستىرىپ وتىرعان ەڭ ءىرى مادەني شارا بولماق.
جول-كولىك وقيعالارى
استانادا 7 ايدا 339 جول-كولىك وقيعاسى تىركەلدى, وندا 356 ادام جاراقات السا, 36-سى قازا تاپقان. قاڭتار-شىلدە ايلارىندا 189 جاياۋ جۇرگىنشىنى كولىك قاققان, سونىڭ ىشىندە 8 ادام كوز جۇمسا, 188-ءى ءتۇرلى دارەجەدەگى جاراقاتتار العان.
اپتاداعى اۋا رايى
وسى اپتانىڭ باسىندا استانادا وتكىنشى جاڭبىر جاۋادى, ال سارسەنبى كۇنى اۋا رايى اشىلىپ, جاۋىن-شاشىنسىز بولادى.
جۇمىستىڭ تيىمدىلىگى ارتادى
استانا ەكونوميكالىق فورۋمى اياسىندا «مەملەكەتتىك قىزمەتشىلەردىڭ جۇمىسىنىڭ تيىمدىلىگىن باعالاۋ, ولاردى جىلجىتۋ جانە ەڭبەكاقى تولەۋ جۇيەسى» جاھاندىق كونفەرەنتسياسى ۆيرتۋالدىق جوباسىن ىسكە قوسۋ جوسپارلانىپ وتىر. ءىس-شارا «G-Global» حالىقارالىق كوممۋنيكاتيۆتىك الاڭدا 2013 جىلعى تامىز ايىنان 2014 جىلعى اقپان ايىنا دەيىن وتەدى.
سانسويلەم
22 استانادا سۋدا قۇتقارۋ قىزمەتتەرى 7 اي ىشىندە وسىنشا ادامدى, سونىڭ ىشىندە 3 بالانى قۇتقاردى.
كەشە
استانا قالاسى جاستار ساياساتى ماسەلەلەرى باسقارماسىنىڭ ۇيىمداستىرۋىمەن «استاناعا كۇلكى سىيلا!» جاستار اكتسياسى ءوتتى.
بۇگىن
جاڭا وقۋشىلار سارايىندا ساع. 15-00-دە مۇمكىندىگى شەكتەۋلى جاندار اراسىنداعى «ءبارىمىز بىردەيمىز – كەمسىتۋدى بىلمەيمىز» رەسپۋبليكالىق بايقاۋىنىڭ جەڭىمپازدارىن سالتاناتتى ماراپاتتاۋ ءراسىمى وتەدى.
ەرتەڭ
تاۋەلسىزدىك سارايىندا شىمكەنت قالاسى سۋرەتشىلەرىنىڭ «سىرىمىز ءبىر» اتتى كورمەسى اشىلادى.
ەركەجان ساتىمبەك
