استانا. استانادا ستۋدەنتتىك ۇيىمداردىڭ ءىى سلەتىنە قاتىسۋشىلار شەتەلدەردە وقيتىن قازاقستاندىق جاستاردى بىرىكتىرەتىن ستۋدەنتتىك ۇيىمداردىڭ ءبىرتۇتاس قاۋىمداستىعىن قۇرۋ مۇمكىندىگىن تالقىلادى. سلەت قاتىسۋشىلارىنىڭ پىكىرىنشە, بۇل ۇيىمنىڭ نەگىزگى مىندەتى شەتەلدە ءبىلىم الۋدىڭ العاشقى كۇنىنەن باستاپ ستۋدەنتتەرگە قولداۋ كورسەتۋ جانە ەلىمىزدىڭ ۇلتتىق مادەنيەتىن ىلگەرى جىلجىتۋ بولۋى ءتيىس.
وسلو. نورۆەگيا پرەمەر-ءمينيسترى يەنس ستولتەنبەرگ ماۋسىم ايىندا ءبىر كۇن تاكسيست بولىپ استىرتىن جۇمىس جاساعان. پرەمەردىڭ ايتۋىنشا, ول 2013 جىلدىڭ قىركۇيەگىندە بولاتىن پارلامەنتتىك سايلاۋدىڭ الدىندا قاراپايىم نورۆەگتەرمەن شۇيىركەلەسىپ, جاي-كۇيىن بىلمەك بولعان.
باعداد. يراكتا بولعان لاڭكەستىكتە 12 اۆتوكولىك جارىلىپ, سالدارىنان 57 ادام قازا تاپتى. 150-گە جۋىعىنا مەديتسينالىق كومەك قاجەت بولدى. اقش-تا بۇل وقيعانى «ءال-كايدانىڭ» سيرياداعى جاساقتارىنىڭ لاڭكەستىك ۇيىمداستىرۋ تاسىلىنە ۇقساس ەكەندىگىن ايتۋدا.
باكۋ. ءازىربايجاننىڭ ورتالىق سايلاۋ كوميسسياسى وتىرىسىندا سەنبى كۇنى ۇكىمەت باسىنداعى «ەني ءازىربايجان» پارتياسىنان ۇمىتكەر رەتىندە پارتيا توراعاسى, ءازىربايجان پرەزيدەنتى يلحام اليەۆتىڭ كانديداتۋراسى بەكىتىلدى.بۇعان دەيىن التى ۇمىتكەردىڭ قۇجاتتارى ۇسىنىلعان بولاتىن.
ەركەجان ساتىمبەك
