كەيىنگى كەزدە كاسىپكەرلىككە دەن قويعان جاستار كوبەيگەنىن كورىپ ءجۇرمىز. ءوز ءىسىن باستاعىسى كەلگەن ازاماتتار اقىل-كەڭەس سۇراپ, رەداكتسيامىزعا دا قوڭىراۋ شالىپ جاتادى. وقىرماندارىمىزدىڭ سۇرانىسىنا وراي «دامۋ» كاسىپكەرلىكتى دامىتۋ قورى» اق استانا قالاسى بويىنشا فيليالىنىڭ ديرەكتورى سامات اقىلبەكوۆ گازەتىمىزگە قوردىڭ تەگىن كۋرس وقىتاتىن جوباسى تۋرالى ايتىپ بەرگەن ەدى.
– ەلىمىزدەگى كاسىپكەرلىكتى دامىتۋ باعىتتارىن جۇرگىزۋ ءمىندەتى جۇكتەلگەن«دامۋ كاسىپكەرلىكتى دامىتۋ قورى» اق كاسىپكەرلەردى قىسقا مەرزىمگە تەگىن وقىتاتىنىنان كەيبىر ازاماتتارىمىز حابارسىز ەكەن. وسى جوبا تۋرالى ايتىپ بەرسەڭىز؟
ء–بىز كاسىبىن باستاعىسى كەلگەن نەمەسە ءىسىن جاڭادان جۇرگىزە باستاعان ازاماتتارعا ارناپ قىسقا مەرزىمدى وقىتۋ كۋرسىن اشقانبىز. بۇل – «بيزنەستىڭ جول كارتاسى – 2020» باعدارلاماسىنىڭ «كاسىپكەرلىك الەۋەتتى كۇشەيتۋ» باعىتىن جۇزەگە اسىرۋ اياسىنداعى جوبا. ونىڭ ماقساتى – جۇرتشىلىققا بيزنەستى جۇرگىزۋدىڭ نەگىزدەرىن ۇيرەتۋ. وقۋ بارىسىندا ازاماتتار كاسىپكەرلىك پسيحولوگياسى, پەرسونالداردى باسقارۋ مەن بيزنەستى جۇرگىزۋدىڭ زاڭدىق اسپەكتىلەرىمەن تانىسىپ, كاسىبىن دامىتۋدا اقپاراتتىق-كوممۋنيكاتسيالىق تەحنولوگيالاردى پايدالانۋدىڭ قىر-سىرىنا قانىعادى. سونداي-اق, بيزنەس-جوسپاردى قالاي قۇرۋ كەرەكتىگىن, قارجىنى قايتىپ يگەرۋ قاجەتتىگىن ۇيرەنەدى. وقۋ مەرزىمى – ەكى كۇن. وقۋدىڭ سوڭىندا ارنايى سەرتيفيكات بەرىلەدى. كاسىپكەرلىك نەگىزدەرى بويىنشا وقۋ ماتەريال-دارى مەن ستاندارتتى قۇجاتتار پاكەتى تەگىن تاراتىلاتىنىن دا ايتا كەتكىم كەلەدى.
– وقۋ كۋرسى تەك استانادا عانا ءجۇرگىزىلە مە؟
–تەك استانادا عانا ەمەس, الماتىدا جانە ەلىمىزدىڭ 14 وبلىسىندا دا وقىتۋ كۋرستارىمىز بار.
–كۋرسقا جازىلعىسى كەلگەن ازاماتتار قايدا حابارلاسۋ كەرەك؟
– وقۋ كۋرسىنا الدىن الا جازىلۋ ءۇشىن «دامۋ» كاسىپكەرلىكتى دامىتۋ قورى» اق-نىڭ وڭىرلىك بولىمشەسىنە حابارلاسۋ كەرەك. مەكەن-جايى: استانا قالاسى, د.قوناەۆ كوشەسى, 12/1. تەلەفوندار: 559-435, 559-434.
قىمبات توقتامۇرات
