دەنيس تەن – كۇمىس جۇلدەگەر

فرانتسيادا ءوتىپ جاتقان گران-پريدە قازاقستاندىق مانەرلەپ سىرعاناۋشى دەنيس تەن كۇمىس مەدال يەلەندى.

قازاقستاندىق تۇعىرعا ەكىنشى بولىپ 296,26 ۇپايمەن كوتەرىلدى. ونىڭ 89,21 ۇپايىن قىسقا باعدارلامادا, قالعان 180,05 ۇپايىن ەركىن باعدارلامادا جينادى.
التىن العان يسپانيالىق حاۆەر ەرناندەستىڭ ەنشىسىندە – 285,38 ۇپاي. ال قولاعا اقش سپورتشىسى ادام ريپپون 267,53 كورسەتكىشىمەن قول جەتكىزدى.
– جىلى سوزىمەن دەم بەرىپ, قۇتتىقتاعان بارشاڭىزعا راحمەت. مەن بۇگىن مۇز وليمپىنە ورالۋ ءۇشىن العاشقى قادام جاسادىم. بۇل – مەنىڭ جىگەرلى, ەڭبەكقور, بابىما كەلۋىم ءۇشىن بارىن سالعان كوماندامنىڭ ەڭبەگى. ەندى باعىتىم ايقىن بولعاندىقتان, جاقسى جاڭا­لىقتارىممەن قاۋىشۋعا تىرىسامىن, – دەپ دەنيس تەن ءوزىنىڭ ينستاگرامداعى پاراقشاسىندا قولداۋشىلارىنا العىس جاۋدىردى.