نۇر-سۇلتان قالاسى اكىمدىگىنىڭ مەملەكەتتىك اكادەميالىق فيلارمونياسىنا قاراستى «شالقىما» حالىق بي ءانسامبلى, «سارىارقا» فولكلورلىق ءانسامبلى جانە بەلارۋس رەسپۋبليكاسىنىڭ مەملەكەتتىك اكادەميالىق بي ءانسامبلىنىڭ «دوستىق جولى» اتتى بىرلەسكەن كونتسەرتى ءوتتى.
كەش بارىسىندا ۇلتتىق ءبيدىڭ ورلەۋىنە سۇبەلى ۇلەس قوسقان, تاياۋدا 70 جاس مەرەيتويىن اتاپ وتكەن ءبيشى, پەداگوگ, قازاقستاننىڭ ەڭبەگى سىڭگەن ءارتىسى تويعان ىزىمگە قۇرمەت كورسەتىلدى.
كونتسەرتتىڭ ءبىرىنشى بولىمىندە «سارىارقا» فولكلورلىق ءانسامبلى, «شالقىما» حالىق بي ءانسامبلى, حالىقارالىق بايقاۋلاردىڭ لاۋرەاتى ايسۇلۋ مۇراتقاليەۆا, رەسپۋبليكالىق بايقاۋدىڭ لاۋرەاتى ايگەرىم كۇلشينا, اقبىلەك نۇرمانوۆا, ءجانيا بايدىلداەۆا جانە رايگۇل يسماعۇلوۆا ونەر كورسەتتى.
ەكىنشى ءبولىمدى بەلارۋس رەسپۋبليكاسىنىڭ مەملەكەتتىك اكادەميالىق بي ءانسامبلى «كاراگود» بيىمەن اشتى. اتالمىش ءانسامبلدىڭ كوركەمدىك جەتەكشىسى, بەلارۋس رەسپۋبليكاسىنىڭ حالىق ءارتىسى ۆالەنتين دۋدكەۆيچ كونتسەرتكە ارنايى قاتىستى. ونەر ۇجىمىنىڭ ونەرپازدارى مىڭ بۇرالعان بيلەردى بيلەدى.
