ەلوردادا 30-دان استام اۋلا كلۋبى جۇمىس ىستەيدى. بارلىق ۇيىرمە تەگىن وتەدى.
2015 جىلدان باستاپ نۇر-سۇلتان قالاسىندا «اۋلا كلۋبتارى» الەۋمەتتىك جوباسى اياسىندا قالانىڭ 4 اۋدانىندا 30-دان استام اۋلا كلۋبتارى جۇمىس ىستەيدى. جاس ساناتى 7 جاستان 29 جاسقا دەيىن. اۋلا كلۋبتارىنىڭ قىزمەتى حالىقتىڭ الەۋمەتتىك وسال توپتارىنىڭ بالالارىنىڭ بوس ۋاقىتىن قامتاماسىز ەتۋگە باعىتتالعان. بۇگىنگى تاڭدا اۋلا كلۋبتارىندا 3 مىڭعا جۋىق بالا تاربيەلەنۋدە. سپورتتىق جانە شىعارماشىلىق ساباقتار بار» دەدى «استانا جاستارى» جرو اۋلا كلۋبتارىن دامىتۋ ءبولىمىنىڭ مامانى ادەليا بەكارىستانوۆا.
اۋلا كلۋبتارى ەلوردالىق جاستاردىڭ بوس ۋاقىتىن ءتيىمدى وتكىزۋ جانە جەكە باسىن دامىتۋ ورتالىعىنا اينالدى. سەكتسيالاردا كاراتە, بوكس, ەركىن كۇرەس, قويان-قولتىق كۇرەس, دزيۋدو, ۇستەل تەننيسى, شاحمات, دويبى, حورەوگرافيا جانە تاعى باسقالارمەن اينالىسۋعا بولادى.
«مەن «Pro Fit» جوباسىنىڭ ۇيىمداستىرۋشىسىمىن. بۇل – ۇلت دەنساۋلىعىنىڭ يگىلىگى ءۇشىن جانە كوپبالالى, سونىمەن قاتار از قامتىلعان وتباسىلاردى قولداۋ ءۇشىن جۇمىس ىستەيتىن الەۋمەتتىك جوبا. ءبىزدىڭ كلۋب سارىارقا اۋدانىندا ورنالاسقان. ول تولىق جابدىقتالعان 5 زالدان تۇرادى. وعان كەم دەگەندە 300 بالا بارادى» دەدى «Pro Fit» اۋلا كلۋبىنىڭ جەتەكشىسى الميرا بورامباەۆا.
