ەلورداداعى Astana IT ۋنيۆەرسيتەتىندە جۋرناليست جانە ساياحاتشى-بلوگەر وركەن كەنجەبەكوۆ جالىندى جاستارمەن جۇزدەستى.
كەزدەسۋدى جاستار ساياساتى ماسەلەلەرى باسقارماسى «استانا جاستارى» كوممۋنالدىق مەملەكەتتىك مەكەمەسىمەن بىرگە Jastar Talks جوباسى اياسىندا وتكىزدى. بۇل – اعا جانە كىشى بۋىن اراسىنداعى بايلانىس كوپىرى, ەركىن فورماتتاعى سىرلاسۋ الاڭى. ءارتۇرلى سالادا كاسىبيلىگىمەن تانىلعان سپيكەرلەر وسى جەردە تاجىريبەلەرىمەن ءبولىسىپ, جاستارعا ەستە قالارلىق وي تاستايدى. Jastar Talks جوباسى اياسىندا العاشقى كەزدەسۋ ەلوردا اكىمى التاي كولگىنوۆپەن وتكەن.
وركەن كەنجەبەك الەم ەلدەرىنە ساپارىنان ءسوز قوزعاپ, قازىرگى قوعامداعى جاستاردىڭ ءرولى تۋرالى ءوز ويىمەن ءبولىستى. بۇگىنگىنىڭ جاستارىنا ىستىق قايرات, نۇرلى اقىل, جىلى جۇرەكپەن قاتار وسىنداي كەزدەسۋلەردىڭ دە قاجەت ەكەنىن جەتكىزدى.
