Sport
دۋاتلون دوداسى
ەلوردانىڭ بوتانيكالىق ساياباعىندا اۋەسقويلار اراسىندا «Nur-SULTAN DUATHLON 2021» جارىسى ءوتتى. تۋرنيرگە پرەمەر-ءمينيستردىڭ ورىنباسارى ەرالى توعجانوۆ پەن نۇر-سۇلتان قالاسى اكىمىنىڭ ورىنباسارى اسحات ورالوۆ قاتىسىپ, جارىسقا قاتىسۋشىلارعا ساتتىلىك تىلەدى.
[smartslider3 slider=533]
جارىستى قالالىق دەنە شىنىقتىرۋ جانە سپورت باسقارماسىنىڭ قولداۋىمەن ەلوردانىڭ ترياتلون فەدەراتسياسى ۇيىمداستىردى. قاتىسۋشىلاردىڭ جاسى 16 جانە ودان جوعارى بولدى. جارىسقا قاتىسۋعا بارلىعى 150 ادام تىركەلدى.
ءبىرىنشى كەزەڭ – 5 شاقىرىمعا جۇگىرۋ, ەكىنشى كەزەڭ 20 شاقىرىمعا ۆەلوجارىس جانە سوڭعى كەزەڭ – 2,5 شاقىرىمعا جۇگىرۋ. مارەگە جەتكەن بارلىق قاتىسۋشىلارعا مەدالدار تابىستالدى. جەڭىمپازدار مەن جۇلدەگەرلەر ديپلومدارمەن, مەدالدارمەن جانە باعالى سىيلىقتارمەن ماراپاتتالدى.